ވޮއިސްގެ ފުރަތަމަ ރޯދަ ހަދިޔާ ރާއްޖޭގެ ޒުވާން ވިޔަފާރިވެރިންނަށް ދިނުމަށް ނިންމައިފިއެވެ.
އެގޮތުން ޒުވާން ވިޔަފާރިވެރިންގެ ވިޔަފާރިތަކަށް އިތުރު އެކްޕޯސާއެއް ދިނުމަށްޓަކައި ހިލޭ އެޑްވޮޓޯރިއަލް ޖެހުމުގެ ފުރުސަތު ހުޅުވާލުމަށް ވަނީ ނިންމާފައެވެ.
ވޮއިސްއަކީ ޒުވާން ޓީމެއްގެ މައްޗައް އެކުލެވި އުފެދިފައިވާ ނޫހެއްކަމުން، ޒުވާން ވިޔަފާރިވެރިންނަށް ދިމާވާ ގޮންޖެހުންތަކާއި މިފަދަ ވިޔަފާރިތަކުގެ އަޑު ވޮއިސް މެދުވެރިކޮށް އުފުލުމަކީ މިފަދަ ވިޔަފާރިތަކަށް ލިބޭނެ އިތުރު ހިތްވަރެއްކަމަށް މި ނޫހުން ދެކެމެވެ.
ރާއްޖޭގެ ނޫސްވެރިކަމަކީ ވަރަށް ބޮޑަށް ނަފާ ހޯދުމަށް ކުރާކަމެއްކަމުން އަލަށް ފަށާ، ކުދި ވިޔަފާރިތަކަށް މީޑިއާގެ ފުރުސަތު ތަކަކީ މީޑިއާތަކުގެ ކޮމާޝަލް އަގުބޮޑު ޕެކޭޖްތަކުގެ ތެރެއިން ކުރެވޭކަމަކަށް ނޫނީނުވެއެވެ.
އެގޮތުން 16،000 ރުފިޔާގެ ރޭޓަކަށް ރާއްޖޭގެ މީޑިއާތަކުން ޖަހައިދެމުން އަންނަ އެޑްވަޓޯރިއަލް ޒުވާން ވިޔަފާރިތަކަށް ހިލޭ ޖަހައިދިނުމަށް މި ނިންމީ މިފަދަ ވިޔަފާރިވެރިން އުފުލާ ތަކުލީފާއި ދަތި އެނގިތިބެއެވެ.
އެޑްވޮޓޯރިއަލް ޖެހުމަށް ވޮއިސްގެ ހޮޓްލައިން 9956888 އަށް ގުޅުއްވައިގެން ކުރިއަށް ގެންދެވޭނެއެވެ.
މިއީ އަޅުގަނޑުމެންގެ ޓީމުން ތިޔަ ޒުވާނުނަށް ދެވޭ ރޯދަ ހަދިޔާއެވެ.
ވޮއިސްގެ މަޤްސަދަކީ "އަޑު" އެންމެ ބޭނުންވާ ފަރާތްތަކުގެ އަޑުއުފުލައި ދިނުމެވެ.
އެގޮތުން ރާއްޖޭގެ ސިޔާސީ މަޝްރަހްގައި އަންހެނުންގެ ރޯލު އިތުރުކުރުމަށް ހިތްވަރެއްގެގޮތުން ނިމިދިޔަ މަޖިލިސް އިންތިހާބުގައި ވާދަކުރެއްވި ހުރިހާ އަންހެން ކެނޑިޑޭޓުންނަށްވަނީ ވޮއިސް މެދުވެރިކޮށް އެކަނބަލުންގެ ކެންޕެއިން ހަބަރު ޖެހުމަށް ހިލޭ ފުރުސަތު ހުޅުވާލާފައެވެ.
رمضان كريم
Advertisement
This content is created and paid for by advertisers and does not involve Voice Journalists
