ރޯދަ މަހުގެ ވިހި ދުވަހުން ޒަކާތުގެ ގޮތުގައި ރެކޯޑް އަދަދަކަށް ފައިސާ ލިބިއްޖެ އެވެ.
ޒަކާތު ހައުސް އިން މިއަދު ވަނީ ރޯދައިގެ ވިހި ދުވަހު, ޒަކާތް ދެއްކި މިންވަރުގެ ތަފާސް ހިސާބު އާންމު ކުރައްވާފަ އެވެ. އެ ހިސާބުތައް ދައްކާ ގޮތުން ޒަކާތުގެ ގޮތުގައި 7.6 މިލިއަން ރުފިޔާ ވަނީ ލިބިފަ އެވެ. އެއީ މިދިޔަ އަހަރާ ބަލާއިރު ވަރަށް ބޮޑު އަދަދެކެވެ.
މިދިޔަ އަހަރުގެ މި މުއްދަތުގައި ލިބުނީ 4.6 މިލިއަން ރުފިޔާ އެވެ. 2023 ވަނަ އަހަރު މި މުއްދަތުގައި ލިބިފައި ވަނީ 4.6 މިލިއަން އެވެ. 2022 ވަނަ އަހަރު 3.7 މިލިއަން އަދި 2021 ވަނަ އަހަރު 3.1 މިލިއަން ރުފިޔާ ލިބިފައިވެ އެވެ.
މުދަލު ޒަކާތުގެ ގޮތުގައި ވެސް މިދިޔަ އަަހަރު ވަނީ ރެކޯޑް އަދަދެއްގެ ފައިސާ ލިބިފަ އެވެ. މިދިޔަ އަހަރު މުދަލު ޒަކާތުގެ ގޮތުގައި ލިބުނު ފައިސާ އަދަދު ވަނީ 100 މިލިއަން ފަހަނައަޅާފަ އެވެ.
Advertisement
This content is created and paid for by advertisers and does not involve Voice Journalists
