މީހެއްގެ ހުންނަ ނުކުޅެދުންތެރިކަމަކުން މިސާލުޖެހުމަކީ ވަރަށް ނާތަހުޒީބު ކަމެއްކަމަށް ކުރީގެ ރައީސުލްޖުމްހޫރިއްޔާގެ ނައިބު ފައިސަލް ނަސީމް ވިދާޅުވެއްޖެއެވެ.

ފައިސަލް ނަސީމް މިހެން ވިދާޅުވެފައިވަނީ، ރާއްޖެ ޓީވީން ގެނެސްދިން ޕްރޮގްރާމެއްގައި ރައްޔިތުން މަޖިލީހުގެ ނޮޅިވަރަމް ދާއިރާގެ ކުރީގެ މެންބަރު މުހައްމަދު ނަޝީދު އަބްދުالله (މޮސްޓާ) އާއި ކުރީގެ ކާނަލް އަހުމަދު ފަޔާޒް އަލީ ރިޒާ (ޕާޕާ ފަޔާޒް)،  ޑައުންސިންޑްރޯމް އަދި އޯޓިޒަމް ކުދިންގެ ޙާލަތާއި ގުޅުވައިގެން ސިޔާސީ މީހުންނާ  ގުޅުވައި މިސާލުޖައްސަވައި ވާހަކަ ދެއްކުމާ ގުޅިގެން ސޯޝަލް މީޑިއާގައި ކުރެއްވި ޕޯސްޓެއްގައެވެ. 

ނުކުޅެދުންތެރިކަން ހުންނަ ފަރާތްތަކަށް ފުރައްސާރަ ކުރިކުރުން ހަރުކަށި އިބާރާތުން ކުށްވެރިކުރައްވަމުން ފައިސަލް ނަސީމް ވިދާޅުވީ، މީހުންގެ ނުކުޅެދުންތެރިކަމަކީ އެއިން މިސާލު ޖެހޭނެ ކަމެއްނޫން ކަމަށެވެ.

އަދި އެއީ ތަހުޒީބު މުޖުތަމަޢެއްގައި ބަލައިގަންނާނެ ކަމެއްވެސް ނޫންކަމަށް އެމަނިކުފާނު ވިދާޅުވިއެވެ. ކުރީގެ ނައިބުރައީސް އިތުރަށް ވިދާޅުވީ، އެފަދަ އަމަލުތަކުން އެނގެނީ، އޯޓިޒަމާއި ޑައުން ސިންޑްރޯމް ހުންނަ ކުދީންނާއި އެކުދީންގެ އާއިލާތަކުން ތަޙައްމަލުކުރާ ކަންކަން ރަނގަޅަށް އިޙްސާސްވެސް ނުކުރެވޭކަން ކަމަށެވެ. މިގޮތުން އެފަދަ ފަރާތްތަކަށް ލޯތްބާއި ކުލުނާއި އޯގާތެރިކަމާއި އިޙްތިރާމް އިސްކުރަންޖެހޭކަމަށް ވިދާޅުވިއެވެ. 

ރާއްޖެޓީވީގެ ޕްރޮގްރާމްގައި މޮސްޓާ އަަދި ޕާޕާ ދެއްކި ވާހަކަަތަކަށް މީސްްްމީޑިއާގެ އެކި ވަސީލަތްތަކުގައި އެ ފަރާތްތަކަށް ބޮޑެތި ފާޑުކިއުންތަކެއް އަމާޒުވެފައިވާކަން ފާހަގަކޮށްލެވެއެވެ.