ކަރަންޓްގެ މައްސަލަ ހައްލުކުރުމަށް މިއަދު އާވިސްނުންތަކަށް ޖާގަ ދޭންޖެހޭކަމަށް އެމްޑީޕީގެ ޗެއާޕާސަން ފައްޔާޒު އިސްމާއީލް ވިދާޅުވެއްޖެއެވެ.

އަތޮޅުތެރޭގެ ބައެއް ރަށްރަށުގައި ކަރަންޓް ކަނޑައިެގންދާ މައްސަލައަށް އިޝާރަތްކުރައްވައި ފައްޔާޒް މިއަދު އެކްސްގައި ކުރެއްވި ޕޯސްޓެއްގައި ވިދާޅުވީ، ކަރަންޓްގެ މައްސަލަ ހައްލުކުރުމަށް މިހާރު ގެންގުޅެމުން އަންނަ ގޮތްތަކާމެދު ވިސްނައި، އައު ވިސްނުންތަކަށް ޖާގަދޭން ޖެހިފައިވާކަމަށެވެ. އެގޮތުން ކޮމިއުނިޓީ އަދި ޕްރައިވެޓް ސެކްޓަރގެ ބައިވެރިވުން އިތުރުކޮށް އިއާދަކުރަނިވި ހަކަތަ އާއި އެހެނިހެން އާ އީޖާދުތައް ހިމެނޭ ކަރަންޓު ގްރިޑެއް ބިނާކުރަން ޖެހޭކަމަށް ފައްޔާޒް ވިދާޅުވިއެވެ.

ފައްޔާޒް ވިދާޅުވީ ކަރަންޓްގެ ކަންކަން މެނޭޖްކުރުމުގެ އައު ގޮތްތައް ބޭނުން ކޮށް އެ މަގަށް ކަންކަން ފަހި ކުރުމަށް މިވަގުތު އަމަލުކުރަމުންދާ ހަކަތައާ ގުޅޭ ސިޔާސަތުތަކާއި ގަވާއިދުތަކާ މެދު އަލުން ވިސްނަން ޖެހޭކަމަށެވެ.

Advertisement

އެކްސްގައި ކުރެއްވި މި ޕޯސްޓްގައި ފައްޔާޒް ވަނީ އައްޑޫސިޓީ ކަރަންޓް މައްސަލައަށް ސަރުކާރުން ދުރާލައި ތައްޔާރުވެވުނުނަމަ، ހައްލެއް ހޯދުނީސް ކަމަށެވެ. އެގޮތުން ވޭތުވެ ދިޔަ ތަނގާއި ހުރިހާ ސަރުކާރުތަކަކުންވެސް ރޯދަމަހަށް ހާއްސަ ސަމާލުކަމެއްދީގެން ތައްޔާރީތައް ވަމުން އައިސްފައިވާކަން ފައްޔާޒު ފާހަގަކުރެއްވިއެވެ.

އައްޑޫސިޓީގެ ގުޅިފައިވާ ރައްތަކަށް ކަރަންޓް ކަނޑައިގެން ދިއުމުގެ މައްސަލަ ކުރިމަތިވެފައިވާއިރު، ފެނަކައިން ދަނީ އެ މައްސަލަ ހައްލުކުރުމަށް އައްޑޫސިޓީއަށް 1.8 މެގަވޮޓްގެ އިންޖީނެއް ގެންގޮސްގެން ކަރަންޓުގެ ހިދުމަތް ރަނގަޅުކުރުމަށް މަސައްކަތްކުރަމުންނެވެ.  ފެނަކައިން ބުނީ މިރޭގެ ވަގުތެއްގައި އިްނޖީނު ހިފައިގެންދާ އުޅަނދު އައްޑޫސިޓީއަށް ބަނދަރުކުރާނޭ ކަމަށެވެ.