ވެލާނާ އިންޓަރނޭޝަނަލް އެއާޕޯޓުގެ ޑިޕާޗާ ޓާމިނަލުން ސިނގިރޭޓް ކާޓޫނުތަކެއް ބޭރުކުރަން އުޅުނު މައްސަލާގައި ތިން ވަނަ މީހަކު ހައްޔަރު ކޮށްފި އެވެ.
ފުލުހުން މިއަދު ބުނީ މި މައްސަލާ ގައި ނ. ވެލިދޫ ގަސްކަރަ, އުމުރުން 23 އަހަރުގެ މުހައްމަދު އައިހަމް ހައްޔަރު ކޮށްފައިވާ ކަމަށެވެ. އޭނާ ހައްޔަރު ކުރީ ކޯޓް އަމުރެއްގެ ދަށުން ކަމަށް ވެސް ބުންޏެވެ. އަދި އައިހަމްގެ ބަންދަށް 10 ދުވަހުގެ މުއްދަތެއް ކޯޓުން ދީފައިވާ ކަމަށް ފުލުހުން ވަނީ ބުނެފަ އެވެ.
މި މައްސަލާ ގައި ކުރީން ހައްޔަރު ކޮށްފައި ވަނީ މ. ސިލްވާނެސްޓް އަހްމަދު އަފްޒަލް އާއި ޔޫސުފް ނަޒީރު އެވެ.
ފުލުހުން ބުނީ ސާޖަންޓް ނަޒީރު ފުލުހުންގެ ވަޒީފާއިން ސަސްޕެންޑް ކޮށްފައިވާ ކަމަށެވެ. ސަސްޕެންޝަނުގެ މުއްދަތުގައި މުސާރަ ނުލިބޭނެ ކަމަށް ވެސް ބުންޏެވެ. އަފްޒަލަށް އެޅި ފިޔަވަޅެއް ނުބުނެ އެވެ.
މި ދެ މީހުންގެ ބަންދާމެދު ގޮތް ނިންމަން ކޯޓަށް ހާޒިރުކުރުމުން ވަނީ ޝަރުތުތަކެއް ކުރުމަށް ފަހު ދޫކޮށްލާފަ އެވެ. ޝަރުތުތަކެއް ފުލުހުން ނުބުނެ އެވެ. ނަމަވެސް މައްސަލަ ތަހުގީގު ކުރަމުންދާ ކަމަށް ވެސް ބުންޏެވެ.
Advertisement
This content is created and paid for by advertisers and does not involve Voice Journalists
