ފުލުހުންގެ ޚިދުމަތް މުޅި ރާއްޖެއަށް ފުޅާކުރުމަށް އިތުުރު އަށް ރަށުގައި ފުލުހުންގެ މަރުކަޒު އެޅުމަށް ނިންމާ އެއްބަސްވުން ހަދައިފި އެވެ.
އެ މަރުކަޒުތައް އެޅުމަށް ހަވާލުކުރީ ތިން ކުންފުންޏަކާ އެވެ.
އެގޮތުން މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) އިން އިތުރު ހަ ރަށުގައި އަދި ފެނަކަ ކޯޕަރޭޝަނާއި ރޯޑް ޑިވެލޮޕްމަންޓް ކޯޕަރޭޝަން (އާރުޑީސީ) ގެ ފަރާތުން އިތުރު ދެ ރަށުގައި ފުލުހުންގެ މަރުކަޒު އަޅަން ވަނީ ހަވާލުކޮށްފަ އެވެ.
އިތުރު އަށް ރަށެއްގައި ފުލުސް މަރުކަޒު އަޅަން ހަވާލުކުރުން -- ފޮޓޯ: ޕޮލިސް
ފުލުހުން ބުނި ގޮތުގައި ކުރިން ސޮއިކޮށްފައިވާ އެއްބަސްވުމާއެކު މި މަޝްރޫއުގެ ދަށުން އެމްޓީސީސީން 21 ރަށެއްގައި، އާރުޑީސީއިން 21 ރަށެއްގައި އަދި ފެނަކައިން 41 ރަށެއްގައި ފުލުހުންގެ މަރުކަޒުތައް އަޅާނެ އެވެ.
އެހެން ކަމުން ޖުމުލަ 83 ރަށެއްގައި ފުލުހުންގެ މަރުކަޒު ގާއިމު ކުރެވޭނެ ކަމަށް ވަނީ ބުނެފަ އެވެ.
އިތުރު އަށް ރަށެއްގައި ފުލުސް މަރުކަޒު އަޅަން ހަވާލުކުރުން -- ފޮޓޯ: ޕޮލިސް
މި އެއްބަސްވުންތަކުގައި ފުލުހުންގެ ފަރާތުން ސޮއިކުރެއްވީ ކޮމިޝަނާ އޮފް ޕޮލިސް އަލީ ޝުޖާއު އެވެ. އެމްޓީސީސީގެ ފަރާތުން ސޮއިކުރެއްވީ ސީއީއޯ އަދި މެނޭޖިން ޑިރެކްޓަރު، ޑެޕިއުޓީ ކޮމިޝަނާ އޮފް ޕޮލިސް ރިޓަޔާޑް އަހްމަދު ސައުދީއެވެ. އާރުޑީސީގެ ފަރާތުން މެނޭޖިން ޑިރެކްޓަރު، ބްރިގޭޑިއާ ޖެނެރަލް ރިޓަޔާޑް އަލީ ޒުހައިރެވެ. އަދި ފެނަކަ ކޯޕަރޭޝަންގެ ފަރާތުން ސޮއިކުރެއްވީ އެ ކުންފުނީގެ މެނޭޖިން ޑިރެކްޓަރު މޭޖާ ރިޓަޔާޑް މުހައްމަދު ނަޖާހެވެ.
Advertisement
This content is created and paid for by advertisers and does not involve Voice Journalists
