އަރިއަތޮޅުގައި މިހާތަނަށް ބާއްވާ އެންމެ އަގުބޮޑު ފުޓްސަލް މުބާރާތް "ރިލެކްސް ކަމަނަ ސޯސަން ފުޓްސަލް ކަޕް 2025" މާދަމަ ރޭ ފެށުމައް ތާއްޔާރުވެއްޖެއެވެ.

ތޮއްޑޫ ސޯސަން ކުލަބުގެ ފަރާތުން އިންތިޒާމުކޮށް މުޅި ރާއްޖެއަށް ހުޅުވާލައިގެން ބާއްވާ މި މުބާރާތަކީ ތޮއްޑޫގެ ޒުވާނުންގެ މެދުގައި އެކުވެރިކަމާއި އެއްބައިވަންތަކަން އާލާކުރުމުގެ އިތުރުން ދުޅަހެޔޮ މުޖުތަމައެއް ބިނާކުރުމަށް ކުޅިވަރުގެ ތެރެއިން ޒުވާނުންނަށް ވާދަވެރި ފުރުސަތުތަކެއް ހޯދައި ދިނުމުގެ މަގުސަދުގައި އެކުލަބުން ކޮންމެ އަހަރެއްގެ ފިތުރު އީދާ ދިމާކޮށް ބާއްވަމުން އަންނަ މުބާރާތެކެވެ. އެގޮތުން މިއީ އެކުލަބުން ބާއްވާ މިފަދަ ހަތަރުވަނަ މުބާރާތެވެ.

30 މާރިޗު 2025 އިން 4 އެޕްރީލް 2025 ގެ ނިޔަލަށް ކުރިއަށް ގެންދާ މިމުބާރާތުގެ ޗެންޕިއަން ޓީމަށް 50،000 އަދި ރަނަރަޕް ޓީމަށް 15،000 ރުފިޔާގެ ފައިސާގެ އިނާމެއް ހުށަހަޅާފައިވާއިރު، މިއަހަރު މުބާރާތުގައި ޖުމްލަ 10 ޓީމަކުން ވަނީ ބައިވެރިވެފައެވެ.

އޭގެ ތެރޭގައި ހިމެނެނީ އެންމެ ފަހުގެ ޗެންޕިއަން ހެލޯ ބޭބީ، ޔަންގްސްޓާރ، ކާންޓް ޕްލޭ، އަމިގޯސް، ސްޓްރީޓް ބްރޯސް، ރިޕްޓައިޑްސް، ގޯލްޑް ފިޝް، ފްލެޝް އަމިގޯސް އެސް.ސީ އަދި ރެއިސިންގ ލެޖެންޑް އެވެ. އަދި މިއަހަރުގެ މުބާރާތް ކުރިއަށް ގެންދިއުމަށް ހަމަޖެހިފައިވަނީ ބައިވެރިވި 10 ޓީމު ދެގުރޫޕަކަށް ބަހާލައިގެންނެެވެ. އަދި ކޮންމެ ގުރޫޕަކުން ވެސް އެންމެ ރަނގަޅު ނަތީޖާއެއް ހޯދާ ދެޓީމަށް މުބާރާތުގެ ސެމީފައިނަލުން ފުރުސަތު ލިބިގެންދާނެއެވެ.

މީގެ އިތުރުން މިމުބާރާތުގެ މެއިން ސްޕޮންސަރ އަކަށް "ރިލެކްސް ކަމަނަ" ފެރީ ސާރވިސް ހަމަޖައްސާފައިވާއިރު، މުބާރާތުގެ ކޯ ސްޕޮންސަރއަކީ ތޮއްޑޫ ކައުންސިލް އެވެ. އަދި މުބާރާތުގެ އޮފިޝަލް މީޑިއާ ޕާޓްނަރަކަށް ހަމަޖައއ ވޮއިސް ސްޕޯޓްސް އެވެ.