ހައުސިން ޑިވެލޮޕްމަންޓް ކޯޕަރޭޝަން (އެޗްޑިސީ) ގެ ޑިރެކްޓަރުންގެ ބޯޑުގެ މެމްބަރުކަމުން މުހައްމަދު ވަހީދު މިއަދު ވަކިކޮށްފިއެވެ.
މުހައްމަދު ވަހީދު އެޗްޑީސީ ބޯޑުން ވަކިކުރިކަން ޕްރައިވެޓައިޒޭޝަން އެންޑް ކޯޕަރަޓައިޒޭޝަން ބޯޑު، ޕީސީބީން ވަނީ އެކްސްގައި ކުރި ޕޯސްޓެއްގައި ޔަގީންކޮށްދީފައެވެ. ޕީސީބީން ކުރި މި ޕޯސްޓްގައި ބުނެފައވަނީ، ހއ. ފިއްލަދޫ، މަބުސްތާނުގޭ މުޙައްމަދު ވަޙީދު މިއަދު އެ މަޤާމުން ވަކިކޮށްފައިވާކަމަށެވެ. ނަމަވެސް ވަކިކުރި ސީދާ ސަބަބެއް ޕީސީބީއަކުން ބުނެފައެއް ނުވެއެވެ.
އެޗްޑީސީގެ ބޯޑަށް މުހައްމަދު ވަހީދު އައްޔަނުކޮށްފައިވަނީ، 2023 ވަނަ އަހަރުގެ ޑިސެމްބަރުމަހުގެ ތެރޭގައެވެ. އެޗްޑިސީ ބޯޑަށް އައްޔަނުކުރުމުގެ ކުރިން އޭނާ ވަނީ ވެމްކޯ އާއި ހައުސިން މިނިސްޓްރީގައިވެސް މެނޭޖަރ ލެވެލްގައި މަސައްކަތްކުރައްވާފައެވެ.
އެޗްޑިސީ ބޯޑުން މުހައްމަދު ވަޙީދު ވަކިކޮށްފައިވާއިރު، ބިންވެރިޔާ ސްކީމް މައްސަލާގައި އެޗްޑީސީ ބޯޑުގެ މެމްބަރުން މީގެ ކުރިން ސަސްޕެންޑްކުރިއިރު އޭގެ ތެރޭގައި އޭނާވެސް ހިމެނުނެވެ.
Advertisement
This content is created and paid for by advertisers and does not involve Voice Journalists
