ވަކި "ފެކްޝަނަކަށް" ނިސްބަތްވާ މީހަކަށް ގެއްލުން ދިނުމަކީ ތި ގެންނަން އުޅޭ އިންސާފްގެ މަގުތޯއެވެ؟ - ޑރ. ޝަހީމް

16 Oct 2018 | 06:45

ވަކި ފެކްޝަނަކަށް ނިސްބަތްވާ މީހަކުނަމަ އެމީހަކަށް ގެއްލުން ދިނުމަކީ ތި ގެންނަން އުޅޭ "އިންސާފްގެ" މަގުތޯ ޑރ. މުހައްމަދު ޝަހީމް އަލީ ސައީދު ސުވާލު އުފައްދައިފިއެވެ.

ޑރ. ޝަހީމް މިހެން ވިދާޅުވީ އިންޑިއާއިން ޝައިހް ޝަމީމް ޑިޕޯޓްކޮށްލަން އުޅޭ ހަބަރާ ގުޅޭގޮތުން އެމްޑީޕީގެ އިންޓަނޭޝަނަލް ސްޕޯކްޕާސަން ހާމިދު އަބްދުލްގައްފޫރު ކުރެއްވި ޓްވީޓަކަށް ރައްދު ދެއްވާ ކުރެއްވި ޓްވީޓެއްގައެެވެ.

ހާމިދު ކުރެއްވި ޓްވީޓްގައި ވިދާޅުވީ ރައީސް ޔާމީންގެ ފެކްޝަންގެ މީހުން އިންޑިއާއިން ޑީޕޯޓް ކޮށްލާ ކަމަށެވެ. އަދި ކުރިން ޑީޕޯޓް ކޮށްފައިވަނީ ޕީޕީއެމްގެ ޕާލިމެންޓަރީ ގްރޫޕްގެ ލީޑަރު އަހުމަދު ނިހާން ހުސެން މަނިކު ކަމަށާއި، މިއަދު ޑީޕޯޓް ކޮށްލާން އެ އުޅެނީ އެމަނިކުފާނުގެ ސަލަފިސްޓް ރަނިން މޭޓްގެ "ފެކްޝަން" ގެ ބޭފުޅެއް ކަމަށެވެ.

މީގޭ ރައްދުގައި އިތުރަށް ޑރ. ޝަހީމް ވިދާޅުވާ ގޮތުގައި އެކަމުން އެރަމްޒު ކޮށްދެނީ ކުރިއަށް އޮތީ އިލްމުވެރިންނަށް ބިރުވެރިކަމުން ފުރިގެންވާ ދުވަސްތަކެއް ކަމަށެވެ. އަދި މާތްﷲ އާއި ވަކީލްކޮށް ޝަމީމަށް ކެތްތެރިކަން ދެއްވުމަށް ވެސް ޝަހީމްގެ ޓްވީޓްގައި ވިދާޅުވެފައިވެއެވެ.

ޑރ. ޝަހީމް އަކީ ނިމިދިޔަ ރިޔާސީ އިންތިހާބަށް ގައި ރައީސް ޔާމީންގެ ރަނިންމޭޓް އެވެ. އަދި ކެންޕެއިން ދަތުރު ތަކުގައި އިދިކޮޅު އިއްތިހާދަށް ވެރިކަން ލިބިއްޖެ ނަމަ ރާއްޖޭގައި އިސްލާމް ދީނަށް އެތައް ގޮތަކުން ގޮންޖެހުން ކުރިމަތިވާނެ ކަމަށް ބުނަމުން ގެންދިޔަ ފަރާތެއްކަންވެސް ފާހަގަކޮށްލަންޖެހެއެވެ.

އައްޝައިހް އާދަމް ޝަމީމް އަކީ އަންދަލުސް ދަރުސް އިން އާންމުނެގެ މެދުގައި މަޤުބޫލުކަން ހޯދާފައިވާ ބޭފުޅެކެވެ. 

Advertisement

ކޮމެންޓް