ޗައިނާއަކީ ކެނެޑާއަށް އޮތް ޖިއޯޕޮލިޓިކަލް ނުރައްކަލެއްކަމަށް ކެނެޑާގެ ބޮޑުވަޒީރު މާކް ކާނީ ވިދާޅުވެއްޖެއެވެ.
މިމަހުގެ 28 ވަނަ ދުވަހު ބާއްވާ ކެނެޑާގެ އާއްމު އިންތިޚާބުގެ ކުރިން ބޭއްވި ބަހުސެއްގައި ވާހަކަ ދައްކަވަމުން ކާނީ ވިދާޅުވީ ޗައިނާއަކީ ކެނެޑާއަށް އޮތް އެންމެ ބޮޑު ބޭރުގެ ބިރުކަމަށާއި، އާކްޓިކް ސަރަހައްދުގައިވެސް ޗައިނާގެ ނުރައްކާ އިތުރުވަމުން އަންނަކަމަށެވެ.
ރަޝިޔާ-ޔޫކްރެއިން ހަނގުރާމައިގައި ރަޝިޔާއަށް ޗައިނާއިން ވާގިވެރިވާކަމަށް ތުހުމަތުކުރައްވައި ކާނީ ވިދާޅުވީ ޗައިނާއަކީ މުޅި އޭޝިއަށްވެސް އޮތް ނުރައްކަލަކަށް ވެފައިވާކަމަށެވެ. ޗައިނާގެ ނުރައްކަލާއި ގުޅިގެން އަޅަންޖެހެ ފިޔަވަޅުތައްވެސް އަޅަމުން އަންނަކަމަށް ކާނީ ވިދާޅުވިއެވެ.
ކެނެޑާގެ އިންތިޚާބުގެ ކެމްޕޭންގެ ފަހު ދުވަސްކޮޅަށް އެޅިފައިވާއިރު، ކާނީގެ ލިބެރަލް ޕާޓީ ދަނީ ޚިޔާލުހޯދުމުގެ ވޯޓުތަކުގައި ކުރިހޯދަމުންނެވެ. ޗައިނާގެ އިތުރުން އެމެރިކާއިން އަޅާފައިވާ ވިޔަފާރީގެ ފިޔަވަޅުތަކަކީވެސް ކެނެޑާގެ އިންތިޚާބުގައި ވާހަކަ ދެކެވޭ މައުޟޫތަކެވެ.
Advertisement
This content is created and paid for by advertisers and does not involve Voice Journalists
