އިންޑިއާގެ ސްޓީލް އިންޑަސްޓްރީގެ ވިޔަފާރިއަށް މަގުފަހިކުރުމުގެ ގޮތުން، ސްޓީލް އިމްޕޯޓާއެކު ޓެރިފެއް ނެގުމަށް އިންޑިއާއިން ނިންމައިފިއެވެ.
ޗައިނާއިން އަގުހެޔޮކޮށް އިންޑިއާއަށް އެތެރެކުރާ ސްޓީލްގެ ސަބަބުން އިންޑިއާގެ ސްޓީލް ސިނާޢަތަށް ދިމަވާ ގޮންޖެހުންތަކުން ސަލާމަތްވުމަށް ނަގަން ނިންމި މި ޓެރިފްގެ ނިސްބަތަކީ 12 އިންސައްތައެވެ. ވަގުތީ ގޮތުން ނަގާ މި ޓެރިފް ނަގާނީ އިއްޔެއިން ފެށިގެން 200 ދުވަހުގެ މުއްދަތަކަށެވެ.
ޗައިނާއިން އެތެރެކުރާ ސްޓީލްގެ ސަބަބުން އިންޑިއާގެ ސްޓީލް އުފައްދާ ބައެއް ކާރުޚާނާތަކުގެ މަސައްކަތުގެ ދުވެލި މަޑުޖެހި، ބައެއް ތަންތަން ބަންދުކުރަން ޖެހިދާނެކަމުގެ ބިރު ހީވެފައިވާއިރު، މި ޓެރިފްއަކީ 'ރައްކާތެރިކަމުގެ ފިޔަވަޅެއް'ގެ ގޮތުގައި އިންޑިއާގައި ވަނީ ސިފަކޮށްފައެވެ.
އިންޑިއާއަކީ މިހާރުވެސް ދުނިޔޭގައި ސްޓީލް އުފައްދާ ދެވަނައަށް އެންމެ ވަރުގަދަ ގައުމެވެ.
Advertisement
This content is created and paid for by advertisers and does not involve Voice Journalists
