ޖަމްޢިއްޔަތުއްސަލަފުގެ ދުޢާތުންގެ މަޖްލީސް އިފްތިތާހް ކޮށްފި އެވެ.

މިއަދު ހެނދުނު އިސްލާމީ މަރުކަޒުގެ ހޯލުގައި އޮތް ޖަމްޢިއްޔަތުއްސަލަފުގެ އިލްމުވެރީންގެ އަހަރީ ބައްދަލްވުން ފެށުމުގެ ރަސްމިއްޔާތުގައި ސަލަފުގެ ދުޢާތުންގެ މަޖްލީސް އިފްތިތާހް ކޮށްދެއްވީ ތައުލީމާއި ބެހޭ ވަޒީރު ޑރ. އިސްމާއީލް ޝަފީއު އެވެ.

ސަލަފުގެ ދުޢާތުންގެ މަޖްލީހުގައި 63 އިލްމުވެރީން ހިމެނިވަޑައިގަންނަވަ އެވެ. އޭގެ ތެރޭގައި ސަލަފުގެ އިލްމުވެރީންގެ މަޖިލީހުގެ 10 އިލްމުވެރީން ވެސް ހިމެނިވަޑައިގަންނަވަ އެވެ.

ޖަމްޢިއްޔަތުއްސަލަފުގެ އިލްމުވެރީންގެ އަހަރީ ބައްދަލްވުން ފެށުން 

މިއަދުގެ ރަސްމިއްޔާތުގައި ވަނީ އެ އިލްމުވެރީންގެ މައުލޫމާތު ހިމެނޭ ހާއްސަ ރިޕޯޓެއް ގެނެސްދީފަ އެވެ.

އަދި ޖަމިއްޔަތުއްސަލަފުން ކުރަމުންދާ މަސައްކަތްތަކާއި އެ ޖަމިއްޔާ ހިންގަމުންދާ ގޮތުގެ ތަފްސީލީ މައުލޫމާތު ހިމެނޭ ރިޕޯޓެއް ވެސް ވަނީ ގެނެސްދީފަ އެވެ.

ސަލަފުގެ މަޖްލިސުއްދުޢާތު އިފްތިތާހް ކުރުމުގެ ހަފްލާއަށް ފަހު މިއަދާއި މާދަމާ "ސަލަފުގެ އިލްމުވެރިންގެ އަހަރީ ބައްދަލުވުން 1446-2025" ކުރިއަށް ދާނެކަމަށް އެ ޖަމިއްޔާ އިން ބުނެ އެވެ.

ޖަމްޢިއްޔަތުއްސަލަފުގެ އިލްމުވެރީންގެ އަހަރީ ބައްދަލްވުން ފެށުމުގެ ރަސްމިއްޔާތުގައި އެ ޖަމިއްޔާގެ ރައީސް އައްޝައިހް އަބްދުﷲ ބުނު މުހައްމަދު ވާހަކަދައްކަވަނީ

މި މަސައްކަތު ބައްދަލުވުމުގައި ދަރުސް ދިނުމުގެ ތަފާތު ހުނަރު ތަކާއި ބެހޭ ފަންނީ ހުނަރު ތަކާ ބެހޭ ހާއްސަ ސެޝަންތައް ކަމާބެހޭ ތަޖުރިބާކާރުން ނައްގަވާދެންވާނެއެވެ.

އެގޮތުން ދިވެހި ބަހުގެ ގަވާއިދާ ތަގުރީރު ކުރުމުގެ ހުނަރު ތައް އަދި އިމޯޝަނަލް އިންޓެލިޖެންސް ފަދަ ސެޝަންތައް ހިމެނެއެވެ.

މީގެ އިތުުރުން ތަފާތު އިލްމުވެރިން ދަރުސް ދެއްވާ ގޮތާ ބެހޭގޮތުން އެބޭފުޅުންގެ އަމިއްލަ ތަޖުރިބާއާއި ދިވެހި ރާއްޖޭގެ ދީނީ ހޭލުންތެރި ކަމުގެ ތާރީހާ ބެހޭ ޕެނަލް ޑިސްކަޝަން އެއްވެސް ކުރިއަށްދާނެ އެވެ.

ޖަމްޢިއްޔަތުއްސަލަފުގެ އިލްމުވެރީންގެ އަހަރީ ބައްދަލްވުން ފެށުން 

އަދި ދައުވަތުގެ މައިދާނުގައި ދިމާވާ ތަފާތު އެކި އެކި ކަންކަމާ ގުޅޭގޮތުން މަސައްކަތު ބައްދަލުވުމުގެ ބައިވެރިންގެ މެދުގައި މަޝްވަރާ ކުރުންވެސް ކުރިއަށް ދާނެއެވެ.

ޖަމިއްޔަތުއް ސަަލަފަކީ ރާއްޖޭގައި ދީނީ ހޭލުންތެރިކަމަށް އެންމެ ބޮޑަށް އެންމެ ފުޅާކޮށް މަސައްކަތް ކުރާ ޖަމިއްޔާ އެވެ.