Advertisement

ބުރަދާސް އެކަޑަމީގެ "ބޮޑުއީދު ފުޓްސަލް ޗެލެންޖް 1446" ގެ މީޑިއާ ޕާޓްނަރަކަށް ވޮއިސް ސްޕޯޓްސް

05 May 2025 | 13:05
ވޮއިސްގެ މެނޭޖިންގ އެޑިޓަރ އަބްދުﷲ ހުސެއިން (ކ) އަދި ބްރަދާސް އެކަޑަމީގެ ވައިސް ޗެއާޕާސަން މުހައްމަދު އަމްޖަދު (ވ).. ފޮޓޯ... ވޮއިސް ސްޕޯޓްސް

ބްރަދާސް އެކަޑަމީގެ ފަރާތުން އިންތިޒާމުކޮށް ކުރިއަށް އޮތް ބޮޑުއީދު ބަންދާއި ދިމާކޮށް ދ.ކުޑަހުވަދޫގައި ބާއްވާ "ބޮޑުއީދު ފުޓްސަލް ޗެލެންޖް 1446" ގެ މީޑިއާ ޕާޓްނަރަކަށް ވޮއިސް ސްޕޯޓްސް ހަމަޖައްސައިފިއެވެ.

މުބާރާތުގެ މީޑިއާ ޕާޓްނަރާއެކު ވޮއިސް އޮފީހުގައި ބޭއްވި ސޮއިކުރުމުގެ ރަސްމިއްޔާތުގައި ވޮއިސް ސްޕޯޓްސްގެ ފަރާތުން ސޮއިކުރީ މެނޭޖިންގ އެޑިޓަރ އަބްދުﷲ ހުސެއިން އެވެ. އަދި ބްރަދާސް އެކަޑަމީގެ ފަރާތުން މިއެއްބަސްވުމުގައި ސޮއިކުރީ އެކަޑަމީގެ ވައިސް ޗެއާޕާސަން މުހައްމަދު އަމްޖަދު އެވެ.

މިމުބާރާތަކީ ބްރަދާސް އެކަޑަމީގެ ފަރާތުން އިންތިޒާމުކޮށް ކުޑަހުވަދޫގެ ޒުވާނުންގެ މެދުގައި އެކުވެރިކަމާއި އެއްބައިވަންތަކަން އާލާކުރުމުގެ އިތުރުން އީދު ބަންދާއި ދިމާކޮށް ރަށުގެ ޒުވާނުންގެ މެދުގައި ގުޅުން ބަދަހިކޮށް އެކުވެރި މާހައުލެއްގައި އީދުގެ އުފާ ހާސިލްކުރުމުގެ މަގުސަދުގައި ބާއްވާ މުބާރާތެކެވެ. 

Advertisement

6 ޖޫން 2025 ވަނަ ދުވަހު ފެށުމަށް ހަމަޖެހިފައިވާ މިމުބާރާތުގެ ޗެންޕިއަން ޓީމަށް 25،000 އަދި ރަނަރަޕް ޓީމަށް 12،000 ރުފިޔާގެ ފައިސާގެ އިންމު ހުށަހަޅާފައިވާ މިމުބާރާތުގެ ރަޖިސްޓްރޭޝަން ފީއެއްގެ ގޮތުގައި 1500 ރުފިޔާގެ ފީއެއް ނެގުމަށް ވަނީ ހަމަޖެހިފައެވެ.

ބްރަދާސް އެކަޑަމީއަކީ ކުޑަހުވަދޫގައި ކުޅިވަރު ކުރިއެރުވުމަށް މިހާރު ވެސް ގިނަ ހަރަކާތްތަކެއް ހިންގަމުންދާ ވަރަށް ހިންގުންތެރި އެކަޑަމީއެކެވެ. އެގޮތުން މިހާރު ވެސް އެއެކަޑަމީގެ ފަރާތުން އަންނަނީ ކުޑަހުވަދޫގައި ފުޓްބޯޅަ އަދި ފުޓްސަލްގެ އިތުރުން އަންހެން ހޭންޑްބޯޅަ ވައިޑީޕީ ޕްރޮގްރާމް ހިންގަމުންނެވެ.


Advertisement

ކޮމެންޓް

Advertisement

Advertisement