ތިނަދޫ ސިޓީގައި ހިނގި ނުރައްކާތެރި އެކްސިޑެންޓެއްގައި އަނިޔާވި އަންހެން މީހާގެ ހާލު ސީރިއަސްވެ އައިސީޔޫގައި ފަރުވާ ދޭން ފަށައިފި އެވެ.
ފުލުހުން މިއަދު ބުނީ، ތިނަދޫ ސިޓީގެ ކުރީގެ ހުކުރު މިސްކިތް ކައިރީ ކާރަކާއި ސައިކަލެއްޖެހި އެކްސިޑެންޓް ވެފައިވާ މައްސަލަ މިދިޔަ މަހުގެ 27 ވަނަ ދުވަހުގެ 15:47 ހާއިރު ރިޕޯޓް ކޮށްފައިވާ ކަމަށެވެ.
އަދި މި އެކްސިޑެންޓުގައި ސައިކަލް ދުއްވަން އިން 31 އަހަރުގެ އަންހެން މީހާގެ ބޮލަށް ލިބުނު އަނިޔާގެ ސަބަބުން، އޭނާ އަށް ތިނަދޫ ރީޖަނަލް ހޮސްޕިޓަލްގެ އައިސީޔޫގައި ފަރުވާ ދީފައިވާ ކަމަށެވެ. އޭގެ ފަހުން، އިމަޖެންސީގައި މާލެ ގެނެސް އައިޖީއެމްއެޗް ގައި ފަރުވާ ދެމުންދާ ކަމަށް ފުލުހުން ބުންޏެވެ.
އެ އަންހެން މީހާގެ ހާލަތާއި ގުޅޭގޮތުން ފުލުހުން މިރޭ ބުނީ އެ މީހާގެ ސިކުނޑީގެ އޮޕަރޭޝަނެއް ކޮށްފައިވާ ކަމަށާ ނަމަވެސް އޮޕަރޭޝަނަށް ފަހު އިންފެކްޝަނެއް އުފެދުމުގެ ސަބަބުން އަންހެން މީހާގެ ހާލު ސީރިއަސްވެފައިވާ ކަމަށެވެ. އަދި މިހާރު ފަރުވާ ދެމުން ދަނީ އައިސީޔޫގައި ކަަމަށެވެ.
އެ އާއިލާ އިން މިހާރު ވަނީ އެ މީހާއަށް ފަރުވާ ކުރުމަށް އާންމުންގެ އެހީތެރިކަން ހޯދަން ވެސް އިއުލާނު ކޮށްފަ އެވެ.
Advertisement
This content is created and paid for by advertisers and does not involve Voice Journalists
