ސަރުކާރުގެ ފަރާތުން މާފަންނު ދެކުނު ދާއިރާގެ މެންބަރު އަސްމާ ރަޝީދު ހުށަހެޅުއްވި "ބޯހިޔާވަހިކަމުގެ ބިލު" އަށް ޢާންމު ރައްޔިތުންގެ ޚިޔާލު ހޯދުމަށް އިއްޔެ ހުޅުވާލައިފިއެވެ.

ރައްޔިތުންގެ މަޖިލީހުގެ އިދާރާއިން ޢިއުލާނު ކުރެއްވިގޮތުގައި، ރައްޔިތުން މަޖިލީހުގެ ގެދޮރުވެރިކަމުގެ ކޮމިޓީން ދިރާސާކުރައްވަމުން ގެންދަވާ މި ބިލަށް، އެއްވެސް ފަރާތެއްގެ ޚިޔާލެއް ނުވަތަ ކޮމެންޓެއް އޮތްނަމަ، 18 މޭ 2025 ވާ އާދިއްތަ ދުވަހުގެ 12:00 ގެ ކުރިން ހުށަހެޅުއްވުމުގެ ފުރުޞަތު ވަނީ ހުޅުވާލެވިފައެވެ. އަދި ޚިޔާލު ހުށަހެޅުއްވުމަށް ބޭނުންވާ ފަރާތްތަކުން، ރައްޔިތުން މަޖިލީހުގެ ގެދޮރުވެރިކަމުގެ ކޮމިޓީގެ އީމެއިލް [email protected] ނުވަތަ ރައްޔިތުން މަޖިލީހުގެ އިދާރާއަށް ލިޔުމުން ފޮނުއްވުމަށް އިޢުލާނުގައި ބަޔާންކުރައްވާފައިވެއެވެ.

People's Majlis (@mvpeoplesmajlis) / X

Advertisement

ސަރުކާރުގެ ފަރާތުން މި ބިލު ހުށަހެޅުއްވުމުގެ ބޭނުމަކަށް ބަޔާންކުރައްވާފައިވަނީ، ދިވެހިރާއްޖޭގައި ދިރިއުޅޭ އެންމެހާ ރައްޔިތުންނަށް، ރައްކާތެރި، އަދި ދިރިއުޅުމުގެ ބޭނުންތައް ފުދޭ، އެކަށީގެންވާ ބޯހިޔާވަހިކަމަށް ވާޞިލުވުމަށް ހުރި ފުރުޞަތުތަކުގެ ބޭނުން ފަސޭހަކަމާއެކު ހިފޭނެ ބޯހިޔާވެހިކަމުގެ ނިޒާމެއް ޤާއިމުކޮށް، އެ ނިޒާމުގެ ދަށުން، ބޯހިޔާވަހިކަމަށް އެންމެ ބޭނުންޖެހިފައިވާ ފަރާތްތަކަށް ދިރިއުޅޭނެ ތަންތަން ހޯދައިދިނުމަށް މަގުފަހިކޮށްދިނުމަށްޓަކައި، އެފަދަ ފަރާތްތަކަށް ޚާއްޞަކޮށް ބޯހިޔާވަހިކަމުގެ ޕްރޮގްރާމްތައް ހިންގުމުގެ އުޞޫލުތައް ކަނޑައެޅުމެވެ.

އަދި ހަމައެހެންމެ، އެފަދަ މަޝްރޫޢުތައް ހިންގާ ފަރާތްތައް އެފަދަ މަޝްރޫޢުތައް ހިންގަނީ ޒިންމާދާރުކަމާއެކު، އަދި ދެފުށްފެންނަ އުޞޫލުތަކެއްގެ ދަށުންކަން ކަށަވަރުކުރުމަށްޓަކައި، ބޯހިޔާވަހިކަން ފޯރުކޮށްދޭ ފަރާތްތައް ރަޖިސްޓްރީ ކުރުމާގުޅޭ އުޞޫލުތާކާއި މިކަމާގުޅޭ އެހެނިހެން އުޞޫލުތަކާއި މިންގަނޑުތައް ކަނޑައެޅުމެވެ.

މި ބިލުގައި، ބޯހިޔާވަހިކަމުގެ ގައުމީ ސިޔާސަތެއް ސަރުކާރުން އެކުލަވާލަންޖެހޭނެކަމަށާއި، މި ސިޔާސަތު  އެކުލެވިގެންވާންވާނީ މައިގަނޑު 3 އަސާސެއްގެ މައްޗަށްކަމަށް ބަޔާން ކޮށްފައިވެއެވެ.  އަދި މި ސިޔާސަތު ކަނޑައަޅުއްވާނީ، މިނިސްޓަރުގެ ލަފާގެ މަތިން ރަޢީސުލްޖުމްހޫރިއްޔާ ކަމުގައިވެސް ބަޔާން ކުރައްވާފައިވެއެވެ. މީގެ އިތުރުން، ބިލަށް އަމަލު ކުރަން ފަށާތާ ހަ މަސް ދުވަހުގެ ތެރޭގައި، ދިވެހިރާއްޖޭގެ ބޯހިޔާވަހިކަމުގެ ހާލަތު ދެނެގަތުމަށް ސާވޭއެއް ހަދަންޖެހެ އެވެ. އަދި ބިލުގެ ދަށުން ހަދާ ފުރަތަމަ ސާވޭއަށްފަހު ކޮންމެ 10 އަހަރަކުން އެއް ފަހަރު އެ ސާވޭ ހަދަންޖެހެވެ.