ދިހަ ދުވަހުގެ ތެރޭ ތެލަސީމިއާ ސެންޓަރާއި މޯލްޑިވިއަން ބްލަޑް ސާރވިސް މާލޭ ގްރޫޕް އޮފް ހޮސްޕިޓަލްގެ ދަށުން ހިންގަން ފަށްޓަވާނެކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ. އެމަނިކުފާނު މިހެން ވިދާޅުވީ ރައްޔިތުންގެ އަޑު ނަމުގައި ކުރިއަށްގެންދާ ޕޮޑުކާސްޓުގެ ފަސްވަނަ އެޕިސޯޑުގައި ވާހަކަފުޅު ދައްކަވަމުންނެވެ.

ތަޢުލީމާބެހޭ ވުޒާރާއިން އިސްނަގައިގެން ހުރިހާ ސްކޫލަކަށް ވެސް އެހީ ފޯރުކޮށްދީގެން މި އަހަރުގެ ކުޑަކުދީންގެ ދުވަސް މުޅި ރާއްޖޭގައި ފާހަގަ ކުރަން ރާވާކަމަށް ތަޢުލީމާބެހޭ ވުޒާރާއިން ހާމަކޮށްފިއެވެ.

ރައީސުލްޖުމްހޫރިއްޔާ، ސިފައިންގެ އެންމެމަތީ ވެރިޔާ ޑރ. މުޙައްމަދު މުޢިއްޒު، ގައުމީ ޚާއްޞަ މަސައްކަތެއްގެ ގޮތުގައި ސިފައިންނާ ހަވާލުކުރައްވައިގެން ތެލެސީމިއާ ސެންޓަރު ހުޅުމާލޭ އޮރެންޖްހިޔާއަށް ބަދަލުކުރުމަށް ފެށި މަސައްކަތް ނިންމައި، މިއަދު މިނިސްޓްރީ އޮފް ހެލްތާ ހަވާލުކޮށްފިއެވެ.

ސަރުކާރުގެ ފަރާތުން މާފަންނު ދެކުނު ދާއިރާގެ މެންބަރު އަސްމާ ރަޝީދު ހުށަހެޅުއްވި "ބޯހިޔާވަހިކަމުގެ ބިލު" އަށް ޢާންމު ރައްޔިތުންގެ ޚިޔާލު ހޯދުމަށް އިއްޔެ ހުޅުވާލައިފިއެވެ.

ދިވެހިރާއްޖޭގެ މަދަނީ ވައިގެ ދަތުރުފަތުރުގެ ޤާނޫނު އުވަލައި، ގިނަ އިސްލާޙުތަކަކާއެކު އަލުން މި ޤާނޫނު އެކުލަވާލަން ރައްޔިތުންގެ މަޖިލީހަށް ހުށައަޅައިފިއެވެ.

ދުނިޔޭގެ އެކި ކަންކޮޅުތަކުގައި ތިބި މީހުން ގުޅުވައިދިނުމުގައި 22 އަހަރު ހޭދަކުރުމަށްފަހު، 5 މެއި ގައި ސްކައިޕް ބަންދުކުރުމަށް ނިންމާފައިވެއެވެ. މިއީ އިންޓަރނެޓް މުވާސަލާތުގެ ދާއިރާގައި އެންމެ ކުރީ ސަފުގައި ހިމެނޭ އެއް ޚިދުމަތުގެ މެދުވެރިޔާ ނިމުމަކަށް އައުމެވެ.

މިއަދު ފަތިހު ޕާކިސްތާނާ ދެކޮޅަށް އިންޑިއާއިން ހިންގި އަސްކަރީ އޮޕަރޭޝަނަކީ ހިތާމަވެރި ކަމެއްކަމުގައި ޗައިނާއިން ސިފަކޮށްފިއެވެ.

ޕަހަލްގާމްގައި ހިނގި އަނިޔާވެރި ޓެރަރިސްޓް ހަމަލާއަށް ވަރުގަދަ ޖަވާބެއްގެ ގޮތުގައި، 25 އިންޑިއާ އަދި 1 ނޭޕާލް ރައްޔިތެއް ހިމެނޭ ގޮތަށް 26 އާންމު ރައްޔިތުންގެ ފުރާނަ ގެއްލުނު ހަމަލާއަށް ރައްދު ދިނުމުގެ ގޮތުން، މެއި 7 ވަނަ ދުވަހުގެ ފަތިހު އިންޑިއާގެ ހަތިޔާރުވެރި ބާރުތަކުން ޕާކިސްތާނާއި ޕާކިސްތާނުގެ ބާރުގެ ދަށުގައިވާ ކަޝްމީރުގެ 9 ސަރަޙައްދަކަށް ހަމަލާ ދިނެވެ. މި އޮޕަރޭޝަނަށް ކިޔުނީ 'އޮޕަރޭޝަން ސިންދޫރު' އެވެ.

އިންޑިއާއިން ވަނީ ޕާކިސްތާނަށް މިދިޔަ ބުދަ ދުވަހު ހަނގުރާމަވެރި ހަމަލާތަކެއް ދީފައެވެ. އަދި ޕާކިސްތާނުން ބުނި ގޮތުގައި އެ ހަމަލާތަކަށް ރައްދު ދިނުމުގެ ގޮތުން އިންޑިއާގެ ފަސް ފައިޓާ ޖެޓާއި ގިނަ ޑްރޯން ވަނީ ވައްޓާލާފައެވެ.

2024 ވަނަ އަހަރު ކިޔާފައިވާ ހުރިހާ ޚުޠުބާތަކެއްގެ އިނގިރޭސި ތަރުޖަމާ މިއަދު އިސްލާމީ ކަންތައްތަކާބެހޭ ވުޒާރާއިން ނެރެފިއެވެ.

ރާއްޖޭގެ ބައެއް ސަރަޙައްދުތަކުގައި ޑެންގީ ހުން ޖެހިގެން ރިޕޯޓްކުރާ އަދަދު އިތުރުވެއްޖެ ކަމަށާއި މިބަލިން ރައްކާތެރިވުމަށް ސަލާމަތީ ފިޔަފަޅުތައް އެޅުމަށް ހެލްތު ޕްރޮޓެކްޝަން އެޖެންސީ (އެޗްޕީއޭ)އިން މިއަދު އެދެފިއެވެ. އެޗްޕީއޭ ގެ ތަފާސް ހިސާބުތަކުން ދައްކާގޮތުގައި މިއަހަރުގެ މިހާތަނަށް ރިޕޯޓުކުރެވިފައިވާ ކޭސްތަކުގެ އަދަދު ތިރީގައި އެވަނީއެވެ:

ވަގަށް ސިނގިރޭޓް އެތެރެކުރި މައްސަލައެއްގައި ތިން ބިދޭސީން ހައްޔަރުކޮށްފިއެވެ.

ދިރާސީ އާ އަހަރުގެ އޮނިގަނޑަށް އަދުގެ ސަރުކާރުން ގެންނަވަން ނިންމަވާފައިވާ ބަދަލަކުން، ފަތުރުވެރިކަމުގެ ސިނާޢަތުގައި މަސައްކަތްކުރާ ދިވެންހިންނަށް އެއްވެސް ދައްޗެއް ނުވާނެކަމަށް ތަޢުލިމާބެހޭ ވަޒީރު ޑރ. ޑރ.އިސްމާޢީލް ޝަފީޢު ވިދާޅުވެއްޖެއެވެ.

އެމެރިކާގެ މޮންޓާނާ ނޭޝަނަލް ގާޑްގެ ސިފައިންނާއި ދިވެހި އަސްކަރިއްޔާއިން ގުޅިގެން ބާއްވާ އެކްސަސައިޒް "ބްލެކް މަރލިން" ގެ 5 ވަނަ އެޑިޝަން 4 މެއި 2025 ގައި ފަށައިފިއެވެ. މި ޙަރަކާތް ފެއްޓެވުމާގުޅިގެން އެމްއެންޑީއެފްއިން ސޯޝަލް މީޑިއާގައި ކުރި ޕޯސްޓުގައި ވާގޮތުން، މި ޙަރަކާތަކީ މިމަހުގެ 4 އިން 27 ވަނަ ދުވަހުގެ ނިޔަލަށް ކުރިއަށްގެންދަން ތާވަލުކޮށްފައިވާ ޙަރަކާތެކެވެ.

4 މެއި ވީ އާދީއްތަ ދުވަހުގެ ރޭ ކ. އަތޮޅު ވާދޫ ރިސޯޓާ ދިމާއިން ކަނޑުއޮޅީގެ ބޭރުން ލޯންޗަކާއި ފެރީ ދޯންޏެއް ޖެހި އެކްސިޑެންޓުވި މައްސަލައިގައި މަސްތުގެ ހާލަތުގައި ހުރެ ލޯންޗު ދުއްވި މ. ކޮޅުފުށި / ޒަހީރާމަންޒިލް، ނާޝާދު ވަލީދު މުޙައްމަދު (41އ) ހައްޔަރުކޮށްފިއެވެ.

ނިމިދިޔަ އޭޕްރީލް މަހުގެ 18 ވީ ހުކުރު ދުވަހުގެ ފަތިހު 4:30 ހާއިރު ހ. ފެންޓެނޯއީގޭގެ ނުވަވަނަ ފްލޯއިން ޖެހިގެން ހުރި ހ. މިޓާޒް ގޭގެ ފުރާޅު މައްޗަށް ވެއްޓި އަނިޔާވި، ހައްވާ ޔުމްނު ރަޝީދު (21 އަހަރު) މިހާރު ހޭ އަރާފައިވާކަމަށާއި، އޭނާގެ ޙާލު މަޑުމަޑުން ރަނގަޅުވަމުން އަންނަކަމަށް، ޢާއިލާގެ ފަރާތުން ބުނެފިއެވެ. ޢާއިލާގެ ފަރާތުން މިކަން ހާމަކޮށްފައިވަނީ އާއިލާގެ މެންބަރަކު ކުރި އެކްސް ޕޯސްޓެއްގައެވެ.

ޤައުމީ އުފެއްދުންތެރިކަން އިތުރު ކުރުމުގެ މަޤްޞަދުގައި ދިވެހިންނަށް ޚާއްސަ ދާއިރާތަކެއް ކަނޑައަޅުއްވަން ނިންމަވާފައިވާކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ. އެމަނިކުފާނު މިހެން ވިދާޅުވީ ދުނިޔޭގެ ނޫސްވެރިކަމުގެ މިނިވަންކަމުގެ ދުވަހުގައި ރާއްޖޭގެ މީސްމީޑިއާއާއި ބައްދަލުކުރައްވަން ބޭއްވެވި 15 ގަޑިއިރުގެ ދިގު ބައްދަލުކުރެއްވުމުގައެވެ.