އަންހެނަކަށް މަރުގެ އިންޒާރު ދިން މައްސަލައެއް ބަލަން ފަށައިފި އެވެ.
އަމްޖަދު އަލީ ނަމަކަށް ކިޔާ މީހަކު މަރުގެ އިންޒާރު ދީފައި ވަނީ ސޯޝަލް މީޑިއާގައި ވަރަށް ހަރަކާތްތެރި މީހެއް ކަމަށްވާ ޝެހެނާޒް މޫސާއަށެވެ.
އެ އަންހެން މީހާ ވަނީ ފޭސްބުކު އެކައުންޓު މެދުވެރިކޮށް އޭނައަށް ދީފައިވާ އިންޒާރު އާންމުކޮށްފަ އެވެ. އެ ގޮތުން އޭނާ މަރާލާނެ ކަމަށާ ވަޅި ޖަހާނެ ކަމަށް ވަނީ ބުނެފަ އެވެ. އަދި އޭނާގެ ކިބައިން މާފަށް އެދުމަށާއި އެހެން ނޫނީ މަރާލާނެ ކަމަށް ވަނީ ބުނެފަ އެވެ.
ފުލުހުން ބުނީ އެ މައްސަލަ ރަސްމީކޮށް ހުށައަޅާފައި ނުވާ ކަމަށެވެ. ނަމަވެސް ސޯޝަލް މީޑިއާ އިން އެކަން ފާހަގަވުމުން އަންހެން މީހާއަށް ގުޅާ މައުލޫމާތު ސާފުކޮށްފައިވާ ކަމަށެވެ. އެ މައްސަލަ މިހާރު ތަހުގީގު ކުރަމުންދާ ކަމަށް ވެސް ބުންޏެވެ.
އެ ފިރިހެން މީހާ އިންޒާރު ދިނީ އޭނާގެ އަންހެނުން ތަކުރާރުކޮށް ގެވެށި އަނިޔާ ކުރަމުންދާތީ, އޭނާގެ ކިބައިން ސަލާމަތް ވުމަށް ޝެހެނާޒް އެހީތެރިވެ ދިނުމުން ކަމަށް ވެ އެވެ. އެ ވާހަކަތައް ޝެހެނާޒް ވެސް ވަނީ ސޯޝަލް މީޑިއާގައި ހިއްސާކޮށްފަ އެވެ.
Advertisement
This content is created and paid for by advertisers and does not involve Voice Journalists
