ފަލަސްތީނުގެ ރައްޔިތުންނާއި ދެކޮޅަށް ހައްދުފަހަނައަޅާފައިވާ އިސްރާއީލުން ހިންގާ ޖަރީމާތައް ހުއްޓުވާ އެ ގައުމަށް އަދަބު ދިނުމަށް ބައިނަލްއަގްވާމީ މުޖްތަަމައުއަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު މިރޭ ގޮވާލައްވައިފި އެވެ.

އެމަނިކުފާނު މިކަމަށް ގޮވައިލެއްވީ ހަމާސް ނަައްތާލުމުގެ ނަމުގައި ޣައްޒާއަށް ދެމުންދާ ހަމަލާތައް އިޒްރޭލުން ވަރުގަދަ ކުުރުމާއި ގުޅިގެންނެވެ. ހަމާސް އެކީ ނައްތާލާނެ ކަމަށް ބުނެ އިސްރާއީލްގެ އުދުވާން ވަރުގަދަ ކުރީ މީގެ ދެތީން ދުވަސް ކުރީންނެވެ.

އެކްސްގައި ކުރެއްވި ޕޯސްޓެއްގައި ރައީސް ވަނީ ފަލަސްތީނުގެ ނަސްލު ނައްތާލުމަށް އިސްރާއީލުން ހިންގާ ޖަރީމާތައް ފުޅާކޮށް ހަމަލާތައް ވަރުގަދަ ކުރުން ވަރަށް ބޮޑަށް އެހާމެ ހަރުކަށި ކޮށް ކުށްވެރި ކުރައްވާ ކަމަށެވެ. އަދި އިސްރާއީލުގެ ހަމަލާތައް އަމާޒުކޮށްފައި ވަނީ ޣައްޒާގެ ކުށެއް ނެތް އާންމުންނަށް ކަމަށް ވިދާޅުވި އެވެ.

ރައީސް ވަނީ އިސްރާއީލްގެ އަނިޔާވެރިކަން ހުއްޓުވުމަށް ބައިނަލްއަގްވާމީ މުޖްތަމަޢުން އަވަސް ފިޔަވަޅުތަކެއް އެޅުމަށް ރާއްޖެއިން ގޮވާލާ ކަމަށް ވިދާޅުވެފަ އެވެ. އެމަނިކުފާނު ގޮވައިލެއްވީ ޣައްޒާފެ މަދަނީންގެ ފުރާނަ ސަލާމަތް ކުރުމަށް ނަތީޖާ ނެރެވޭނެ ފަދަ ފިޔަވަޅުތަކެއް އެޅުމަށެވެ.

އަދި އިސްރާއީލްގެ އަމަލުތަކަށް އެ މީހުން ޒިންމާދާރު ކުރުވާ އަދަބު ދިނުމަށް ގޮވާލާ ގޮވާލުން ތަކުރާރު ކުރެއްވި އެވެ.

ހަމާސް ނައްތާލުމާއި އޮގަސްޓް 7 ގެ ހަމަލާގެ ބަދަލު ހިފުމަށް ކަމަށް ބުނެ އިސްރާއީލުން ހިންގަން ފެށި އުދުވާންގައި 53،000 ވުރެ ގިނަ ރައްޔިތުން ވަނީ ޝަހީދުކޮށްލާފަ އެވެ.

ހުޅަނގާއި މުނާފިގުކަން ދައްކާ އިސްލާމީ ބައެއް ގައުމުތަކުގެ އެހީގައި އިޒްރޭލުން ހިންގާ ޖަރީމާތައް ކިތަންމެ ފުޅާކުރި ނަމަވެސް ފަލަސްތީނުގެ ހައްގުގައި ހަމައެކަނި ޖިހާދު ކުރާ ހަމާސް ޖަމާއަތް ބަލިކުރެވޭ ގޮތެއް ނުވެ އެވެ.