މުރައިދޫ އިންވިޓޭޝަނަލް ވެޓަރެންސް ވޮލީބޯޅަ ޓޯނަމެންޓް 2025 ގެ އޮފިޝަލް ޕްރިންޓިން ޕާޓްނަރަކަށް ޕްރިންޓް ލެބް ހަމަޖައްސައިފި އެވެ.

މުބާރާތުގެ ޕްރިންޓިން ޕާޓްނަރާއެކު ޕްރިންޓް ލެބް އޮފީހުގައި ބޭއްވި ސޮއިކުރުމުގެ ރަސްމިއްޔާތުގައި ޕްރިންޓް ލެބްގެ ފަރާތުން ސޮއިކުރީ އެކުންފުނީގެ މެނޭޖިން ޑައިރެކްޓަރ މަދީހު ޖަމާލް އެވެ. އަދި ނިޔާ އެކަޑަމީގެ ފަރާތުން މިއެއްބަސްވުމުގައި ސޮއިކުރީ އެކަޑަމީގެ އެޑްވައިޒަރު މުހައްމަދު ޒަރީރު އެވެ.

މި މުބާރާތަކީ ހއ.މުރައިދޫގެ "ނިޔާ އެކަޑަމީ"ގެ ފަރާތުން އިންތިޒާމުކޮށް ތިލަދުންމަތީގެ ރަށްތަކުގެ މެދުގައި އެކުވެރިކަމާއި އެއްބައިވަންތަކަން އާލާކުރުމުގެ އިތުރުން ކުރީގެ ހުނަރުވެރި ވޮލީބޯޅަ ކުޅުންތެރިންނަށް، ވާދަވެރި އަދި އެކުވެރި މާހައުލެއްގައި އެކުޅުންތެރިންގެ ހުނަރު ދައްކާލުމުގެ ފުރުސަތު ތަނަވަސް ކޮށްދިނުމުގެ އިތުރުން ދުޅަހެޔޮ މުޖުތަމައެއް ބިނާކުރުމުގެ މަގުސަދުގައި އެ އެކަޑަމީގެ ފަރާތުން 35 އަހަރުން މަތީގެ މީހުނަށް ޚާއްސަކޮށްގެން ބާއްވާ މުބާރާތެކެވެ.

ޕްރިންޓް ލެބްގެ މެނޭޖިން ޑައިރެކްޓަރ މަދީހު ޖަމާލް އަދި ނިޔާ އެކަޑަމީގެ ރާއީސް އަހުމަދު ނިޔާޒް (ޓެޑް)... 

އެގޮތުން މިމުބާރާތުގައި މުރައިދޫގެ އިތުރުން ތިލަދުންމަތީގެ އިތުރު ނުވަ ރަށަކުން ބައިވެރިވެފައިވާއިރު، މުބާރާތް ކުރިއަށް ގެންދިއުމަށް ހަމަޖެހިފައިވަނީ ބައިވެރިވި 10 ޓީމު ދެ ގުރޫޕަކަށް ބަހާލައިގެންނެވެ. އަދި ކޮންމެ ގުރޫޕަކުން ވެސް އެންމެ ރަނގަޅު ނަތީޖާއެއް ހޯދާ ދެޓީމު ސެމީފައިނަލަށް ހޮވޭގޮތަށެވެ.

ޕްރިންޓް ލެބަކީ 2009 ވަނަ އަހަރު އުފެދުނު ފަހުން ރާއްޖޭގެ ޕްރިންޓިން އިންޑަސްޓްރީގައި އެންމެ ފުޅާދާއިރާއެއްގައި ޚިދުމަތް ދެމުން އަންނަ ކުންފުންޏެކެވެ. އަދި ފާއިތުވެދިޔަ 16 އަހަރު ދުވަހުގެ ތެރޭގައި އެކުންފުނިން ވަނީ މިދާއިރައިން ބޮޑެތި ކުރިއެރުން ތަކެއް ހޯދާފައެވެ.

ޕްރިންޓް ލެބްގެ މެނޭޖިން ޑައިރެކްޓަރ މަދީހު ޖަމާލް..

މީގެ އިތުރުން ޕްރިންޓްލެބުން ފޯރުކޮށްދޭ ހިދުމަތްތަކުގެ ތެރޭގައި ލާޖް ފޯމެޓް ޕްރިންޓް އިވެންޓްސް އެންޑް ބެކް ޑްރޮޕްސް، ލޭޒާ ކަޓިން އެންޑް އެންގްރޭވިން، ސީއެންސީ ކަޓިން އެންޑް އެންގްރޭވިން، ޔޫވީ ޕްރިންޓިން އަކްރިލިކް، މެޓަލް އެންޑް ވުޑް، އަކްރިލިކް އެންޑް ވުޑް ސައިންސް، ކަސްޓަމް ވުޑް އެންޑް މެޓަލް ވޯކްސް، ފްލެޓްސް އެންޑް ފެބްރިކް ޕްރިންޓިން، ފޮޓޯ ފްރޭމިން އެވޯޑްސް އެންޑް ފްލޭކް ސްޓޭމްޕްސް ހިމެނެއެވެ.

އެގޮތުން ޒަމާނީ ޓެކްމޮލެޖީއާއެކު އެކުންފުނީގެ ޚިދުމަތް މުޅި ރާއްޖެއަށް ފުޅާކޮށްފައިވާއިރު، އެކުންފުނިން އަންނަނީ ސަރުކާރު އޮފީސް/ ކުންފުނިތަކާއި ރިސޯޓްތަކުގެ އިތުރުން އަމިއްލަ ވިޔަފާރިތަކަށް ފުޅާދާއިރާއެއްގައި ޕްރިންޓިންގެ ޚިދުމަތް ފޯރުކޮށްދެމުންނެވެ.

މީގެ އިތުރުން ޕްރިންޓް ލެބް ފާހަގަކުރެވިފައި ވަނީ ރާއްޖޭގެ އިޖްތިމާއި ދުޅަހެޔޮކަމާއި ޒުވާން ބާރުވެރި ކުރުވުމުގެ އިތުރުން ކުޅިވަރު ކުރިއެރުވުމުގައި އެންމެ ކުރީ ސަފުގައި ހަރަކާތެރިވާ އެއް ވިޔަފާރީގެ ގޮތުގައެވެ. އަދި ވަކީން ޚާއްސަކޮށް ރާއްޖޭގެ އެކި ކަންކޮޅުތަކުގައި ބާއްވާ ކުޅިވަރު ހަރަކާތްތައް ކުރިއަށް ގެންދިއުމަށް ވެދެއްވާ އެހީތެރިކަން ފާހަގަކޮށްލެވެ އެވެ.