ޓްވިމްބިޓް ޓެލެކޮމް އެވޯޑްސް 2025 ގައި އުރީދޫ މޯލްޑިވްސް އަށް "ޓެލްކޯ އޮފް ދަ އިޔަރ - ސްމޯލް މާކެޓްސް" ގެ ޝަރަފު ވިދިވިދިގެން ދެވަނަ އަހަރަށް ލިބިއްޖެއެވެ.

ޓްވިމްބިޓް ޓެލެކޮމް އެވޯޑްސްއަކީ އިނޮވޭޝަން، ކަސްޓަމަރުންގެ ތަޖުރިބާ އަދި ޑިޖިޓަލް ޓްރާންސްފޯމޭޝަންގައި މޮޅު ޓެލެކޮމިއުނިކޭޝަން އޮޕަރޭޓަރުން ފާހަގަކުރާ އެވޯޑެކެވެ. ސްމޯލް މާކެޓްސް ކެޓަގަރީގީގައި ވާދަކުރަނީ އާބާދީ 2 މިލިއަނަށް ވުރެ މަދު ޤައުމުތަކުގެ ޓެލްކޯ އޮޕަރޭޓަރުންނެވެ.

މިއަހަރުގެ މުބާރާތުާރާތުގައި އުރީދޫ މޯލްޑިވްސް އަށް މި ވަނަ ލިބިފައިވަނީ ދިރާގު (ރާއްޖެ)، ޑީއެސްޓީ (ބްރޫނާއީ)، ބޫޓާން ޓެލެކޮމް ފަދަ ކުންފުނިތަކާ ވާދަކޮށްގެންނެވެ.

"ޑިޖިޓަލް މޯލްޑިވްސް" ތަސައްވުރުގެ ދަށުން 5ޖީ ފުޅާކުރުމާއި، އެމް-ފައިސާ މެދުވެރިކޮށް ފިންޓެކް އިނޮވޭޝަން، އޭއައި ޑްރިވެން ޑިޖިޓަލް އެކްސްޕީރިއަންސް އަދި މާނަހުރި ކޮމިއުނިޓީ އިނިޝިއޭޓިވްސްއަށް އުރީދޫއިން ކުރާ ސްޓްރެޓެޖިކް އިންވެސްޓްމަންޓްތަކަށް މި އެވޯޑު އަލިއަޅުވާލާފައިވެއެވެ.

އުރީދޫ މޯލްޑިވްސްގެ ސީއީއޯ ޚާލިދު އަލް ހަމާދީ ވިދާޅުވީ ޖެހިޖެހިގެން ދެވަނަ އަހަރަށް މި އެވޯޑު ލިބުމަކީ ޓީމަށް ލިބުނު ފަޚުރެއް ކަމަށާއި، މިއީ ދިވެހިރާއްޖެ ޑިޖިޓަލީ ކުރިއަރުވަން އެ ކުންފުނިން ކުރަމުން އަންނަ މަސައްކަތުގެ ހެއްކެއް ކަމަށެވެ. އަދި މި އަގު ވަޒަންކުރަނީ އުރީދޫގެ މުވައްޒަފުންނާއި ކަސްޓަމަރުންނާއި ޕާޓްނަރުންނަށް ކަމަށް އެމަނިކުފާނު ވިދާޅުވިއެވެ.

ޚާލިދު އަލް ހަމާދީ އިތުރަށް ވިދާޅުވީ، ޑިޖިޓަލް ފަރަގުތައް ނައްތާލުމާއި، ޓެކްނޮލޮޖީގެ ޒަރީއާއިން އާންމު ދިރިއުޅުމުގެ ތަޖުރިބާތައް ރަނގަޅުކުރުމާއި، ގައުމީ ކުރިއެރުމުގެ މައި ކުންފުންޏެއްގެ ގޮތުގައި މަސައްކަތް ކުރުމުގައި އުރީދޫ މޯލްޑިވްސް ދެމިއޮންނާނެ ކަމަށެވެ.