އަންނަ މަހުން ފެށިގެން މުޅި ރާއްޖޭގައި ކަރަންޓްގެ އަގު ހެޔޮ ކުރުމަށް ރައީސް ނިންމަވައިފި އެވެ

ރައީސް ވަނީ އެކަން އެކްސް ގައި ކުރެއްވި ޕޯސްޓެއްގައި ހާމަ ކުރައްވާފަ އެވެ. އެ ޕޯސްޓްގައި ރައީސް ވިދާޅުވީ އަންނަ މަހުގެ ފުރަތަމަ ދުވަހުން ފެށިގެން ޑޮމެސްޓިކް ކެޓެގަރީގެ ކަރަންޓު ޓެރިފް ރޭޓްތައް ކުޑަ ކުރަން ނިންމާފައިވާ ކަމަށެވެ.

އެއާއެކު ރައީސް ވަނީ ކުޑަކުރަން ނިންމަވާފައިވާ ގޮތުގެ ތަފްސީލު ހިމެނޭ ޝީޓެއް ވެސް ހިއްސާ ކުރައްވާފަ އެވެ. ރައީސް ވިދާޅުވީ އެމަނިކުފާނުގެ އެ ނިންމެވުން ތަންފީޒު ކުރުމުގައި ދެމެހެއްޓެނިވި ގޮތެއްގައި މެނޭޖްކުރުމަށް ކަމާބެހޭ ފަރާތްތަކުން ކުރައްވަން ޖެހޭ އެންމެހާ ކަންކަން ކުރެއްވުމަށް ދަންނަވާފައިވާ ކަމަށެވެ.

މި ބަދަލާއެކު ކަރަންޓްގެ އަގު ހެޔޮވެގެންދާނެ އެވެ. 

* ބޭންޑް 0 - 100 | މިހާރު ނަގާ ރޭޓް 1.50, އާ ރޭޓް 1.25

* ބޭންޑް 100 - 200 | މިހާރު ނަގާ ރޭޓް 1.70, އާ ރޭޓް 1.50

* ބޭންޑް 201 - 300 | މިހާރު ނަގާ ރޭޓް 2.15, އާ ރޭޓް 1.50

* ބޭންޑް 301 - 400 | މިހާރު ނަގާ ރޭޓް 2.50, އާ ރޭޓް 1.50

* ބޭންޑް 401 - 500 | މިހާރު ނަގާ ރޭޓް 2.95, އާ ރޭޓް 2.66

* ބޭންޑް 501 - 600 |  މިހާރު ނަގާ ރޭޓް 3.55, އާ ރޭޓް 3.20

* ބޭންޑް 600+ |  މިހާރު ނަގާ ރޭޓް 4.25, އާ ރޭޓް 3.83

ކަރަންޓްގެ އަގަށް ހެޔޮ ބަދަލެއް ގެނައުމަކީ ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ވައުދުފުޅެކެވެ. 

ކަރަންޓްގެ އަގު ހެޔޮ ކުރަން ނިންމާފައި މިވަނީ ބައެއް މަސް މަހު ކަރަންޓް ބިލް ވަރަށް ބޮޑުވާ ކަމުގެ ޝަކުވާ އާންމުން ކުރަމުން ދަނިކޮށެވެ. ހާއްސަކޮށް ހޫނު މޫސުމުގައި ކަރަންޓަށް ކުރަން ޖެހޭ ހޭދަ ބޮޑު ވުމަކީ އާންމުންގެ ވަރަށް ބޮޑު ކަންބޮޑުވުމެކެވެ.

`