ޓެކްނިކަލް މައްސަލައެއް ދިމާވެ، މުޅި މާލެއާއި ހުޅުމާލެއިން ކަރަންޓުގެ ހިދުމަތް މެދުކެނޑިއްޖެއެވެ. ކަރަންޓްގެ ޚިދުމަތް މެދުކެނޑުނީ މިއަދު 12:30 އެހާއިރު އެވެ.
ސްޓެލްކޯއިން ދާދި ދެންމެއަކު އެކްސްގައި ކުރި ޕޯސްޓެއްގައި ބުނީ، މައްސަލަ ދެނަގަނެ ހައްލު ކުރުމުގެ މަސައްކަތްތައް ކުރެވެމުންދާ ކަމަށެވެ.
މީގެ އިތުރުން ސްޓެލްކޯއިން ބުނީ، ”ޓޯޓަލް ބްލެކްއައުޓް“ އަކަށްވާތީ ގްރޭޓާ މާލެ ގްރިޑް އަލުން އެނާޖައިޒް ކުރުމުގެ ކުރިން ކުރަންޖެހޭ މަސައްކަތްތައް މިހާރު ކުރަމުންދާ ކަމަށެވެ.
އަދި އެ ޗެކްއަޕްތައް ނިމުނުހާ އަވަހަށް މާލެއާއި ހުޅުމާލެ ޖެންސެޓްތައް އެނާޖައިޒް ކުރުމުގެ މަސައްކަތް ކުރިއަށް ދާނެ ކަމަށެވެ.
އެގޮތުން، މިހާރު މާލޭއާއި ހުޅުމާލޭގެ ޖަނަރޭޓަރުތައް ޖައްސަން ފަށައި، ކްރިޓިކަލް ތަންތަނުގެ ގޮތުގައި ބެލެވޭ އައިޖީއެމް ހޮސްޕިޓަލާއި ދަރުމަވަންތަ ހޮސްޕިޓަލަށް މިހާރު ކަރަންޓު ދެވިފައިވާ ކަމަށް ބުނެފައިވެއެވެ.
މީގެ އިތުރުން މާލެ އާއި ހުޅުމާލޭގެ އެހެން ސަރަހަައްދުތަކަށް ކަރަންޓު ދިނުމުގެ މަސައްކަތްތައް ކުރެވެމުންދާ ކަމަށް ސްޓެލްކޯއިން ބުންޏެވެ.
މާލެއާއި ހުޅުމާލެއިގެ އިތުރުން ހުޅުލެއިންވެސް ކަރަންޓް ކެނޑި އެއާޕޯޓުގައިވެސް ކަރަންޓްގެ ޚިދުމަތް ވަނީ މެދުކެނޑިފައެވެ.
އެހެން ނަމަވެސް، އެއާޕޯޓްގައި މިހާރު ބެކަޕް ޖެނެރޭޓަރުތައް ހިނގަންފަށާފައިވާތީ، އެއާޕޯޓް އޮޕަރޭޝަންސްތައް އާއްމު ޙާލަތުގައި ކުރިއަށްދާ ކަމަށް އެމްއޭސީއެލުން ވަނީ ބުނެފައެެވެ.
Advertisement
This content is created and paid for by advertisers and does not involve Voice Journalists
