ވެލާނާ އިންޓަނޭޝަނަލް އެއާޕޯޓް ސަރަހައްދުގެ މަގު ހެދުމުގެ މަސައްކަތެއް ކުރަމުންދާތީ، ޓްރެފިކް ބާރުބޮޑުވެ ދިމާވެދާނެ ދަތިތަކުން ސަލާމަތްވުމުގެ ގޮތުން ދަތުރުވެރިން ދުރާލައި ޗެކިންވުމުގެ ކަންކަން ކުރިއަށްގެންދިއުމަށް އެމްއޭސީއެލުން އިލްތިމާސްކޮށްފިއެވެ.
މޯލްޑިވްސް އެއާޕޯޓް ކޮމްޕެނީ(އެމްއޭސީއެލް) ސޯޝަލްމީޑިއާގައި ހިއްސާކުރި ޕޯސްޓެއްގައި ބުނެފައިވަނީ، އާ ޓާމިނަލް ކުރިމަތީ އޮންނަ މަގު ހެދުމުގެ މަސައްކަތް ކުރަމުންދާތީ ޓްރެފިކް ފްލޯ ވަރަށް ބާރު ބޮޑުވެފައިވާ ކަމަށެވެ. އެހެންކަމުން ދަތުރުވެރިން އަވަހަށް އެއާޕޯޓަށް ގޮސް ޗެކްއިންވުމަށް އެމްއޭސީއެލުން ވަނީ އެދިފައެވެ.
ވީއައިއޭ ޒަމަނީ ފެންވަރަށް ތަރައްގީކުރުމަށް އެކުލަވާލަވައިވާ ޕްލޭންގެ ދަށުން ކުރަމުންދާ މަސައްކަތުުގެ ތެރޭގަައި އެއާޕޯޓްގެ މަގު ހެދުމުގެ މަސައްކަތްވެސް ހިމެނެއެވެ. އެމްއޭސީއެލުން އަންނަނީ ޖުލައިމަހުގެ 26 ވަނަ ދުވަހު އާ ޓާމިނަލް ހުޅުވުމަށް ތައްޔާރުވަމުންނެވެ. މި ޓާމިނަލަކީ އަހަރަކު 7 މިލިއަން ދަތުރުވެރިންނަށް ޚިދުމަތް ދިނުމަށް ޑިޒައިން ކުރެވިފައިވާ ޓާމިނަލެކެވެ.
އެންމެފަހުގެ ޒަމާނީ ވަސީލަތްތަކާއެކު އަލަށް ތަރައްޤީކުރާ 78 ހާސް އަކަ މީޓަރުގެ މި ޓާމިނަލާއެކު އެ އަދަދު އެތައް ގުނައެއް އިތުރުވެގެންދާނޭކަމަށް ސަރުކާރުން ބުނެއެވެ.
Advertisement
This content is created and paid for by advertisers and does not involve Voice Journalists
