މި އަހަރުގެ ހައްޖުގެ އަޅުކަމަށް ދުނިޔޭގެ އެކި ކަންކޮޅުތަކުން 1.6 މިިލިއަން މީހުން ސައުދިއަރަބިއްޔާއަށް ޖަމާވި ކަމަށް އެ ގައުމުން ބުނެފި އެވެ.

ސައުދީ ސަރުކާރުން މިއަދު ވަނީ ހައްޖުގެ އަޅުކަމަށް އެ ގައުމަށް ޖަމާވި މީހުންގެ ތަފާސް ހިސާބުތައް އާންމުކޮށްފަ އެވެ. މި އަހަރު ޙައްޖުގެ އަޅުކަން 171 ގައުމަކުން 1,673,230 މީހުން ޖަމާވި ކަަމަށް ބުނެފައިވެ އެވެ.

އޭގެ ތެރޭގައި ހިމެނެނީ އެކި ގައުމުތަކުން އައި 1,506,576 މީހުންނާއި ސައުދީ ރައްޔިތުންނާއި އެ ގައުމުގައި ތިބި މީހުންގެ ތެރެއިން ހައްޖުގެ އަޅުކަމުގައި ބައިވެރިވި 166,654 މީހުންނެވެ.

ހައްޖުގެ އަޅުކަމަށް ސައުދީއަށް ޖަމާވި ހައްޖުވެރީން -- ފޮޓޯ: ހަރަމައިނި

* ހައްޖުގެ އަޅުކަން އަދާކުރި މީހުންގެ ތެރޭގައި ހިމެނެނީ 877,841 ފިރިހެނުން

* ހައްޖުގެ އަޅުކަން އަދާކުރި މީހުންގެ ތެރޭގައި ހިމެނެނީ 795,389 އަންހެނުން

ސައުދީ ސަރުކާރުން ބުނި ގޮތުގައި މި މީހުންގެ ތެރެއިން 1,435,017 މީހުން ސައުދީއަށް އެތެރެވީ ވައިގެ މަގުންނެވެ. އަދި 66,465 މީހުން އައީ އެއްގަމު މަގުންނެވެ. މީގެ އިތުރުން 5,094 މީހުން އައީ ކަނޑު މަގުން ކަމަށް ވެސް ބުންޏެވެ.

ހައްޖުގެ އަޅުކަމަށް ސައުދީއަށް ޖަމާވި ހައްޖުވެރީން -- ފޮޓޯ: ހަރަމައިނި

ހައްޖަށް އަންނަ މީހުންނަށް ފަސޭހަ އިންތިޒާމުތަކެއް ހަމަޖެއްސުމަށް ސައުދީ ސަރުކާރުން އަބަދުވެސް މަސައްކަތް ކުރެ އެވެ. އެ ގޮތުން އެންމެ ގިނައިން ހައްޖުވެރީން އަންނަ ގައުމުތަކަށް ފަސޭހަ އަކަށް މައްކާ ރޫޓް އިނިޝިއޭޓް ވަނީ އިފްތިތާހު ކޮށްފަ އެެވެ.

އެ ފަސޭހަ މިވަގުތު ލިބެނީ އަށް ގައުމަކަށެވެ. ސައުދީ ސަރުކާރުން ބުނި ގޮތުގައި މައްކާ ރޫޓްގެ ދަށުން 1,435,017 މީހުން ސައުދީއަށް އެތެރެވި އެވެ. ދިވެހި ހައްޖުވެެރީން ވެސް ހިމެނެނީ އެ ފަސޭހަ ލިބުނު ހައްޖުވެރީންގެ ތެރޭގަ އެވެ.