ސައުދިއަރަބިއްޔާގެ ވަލީއަހުދު މުހައްމަދު ބިން ސަލްމާން، ރައީސުލްޖުމްހޫރިއްޔާ ޑރ. މުހައްމަދު މުއިއްޒުއާ ބައްދަލު ކުރައްވައިފި އެވެ.

މިއަދު އޮތް ބައްދަލްވުމުގައި ދެ ގައުމުގެ ގުޅުން އިތުރަށް ބަދަހި ކުރެއްވުމާއި ގުޅޭގޮތުން ދެ ލީޑަރުން މަޝްވަރާ ކުރެއްވި ކަމަށް ސަރުކާރުން ބުނެ އެވެ. އަދި ކުރިއަށް އޮތްތާ ރާއްޖެ-ސައުދީ ގުޅުން ހަރުދަނާ ކުރުމާއި ގުޅޭގޮތުން ވެސް މަޝްވަރާ ކުރެއްވި އެވެ.

ހައްޖުގެ އަޅުކަމަށް ރައީސްގެ ދެކަނބަލުންނާއި ސަރުކާރުގެ ބައެއް އިސްވެރީން ތިއްބެވީ ސައުދީގަ އެވެ. ރައީސްގެ ދެކަނބަލުން ހައްޖުގެ އަޅުކަމަށް ވަޑައިގެންނެވީ ސައުދީގެ ރަސްގެފާނު ސަލްމާން ބިން އަބްދުލްއަޒީޒްގެ މެެހެމާނުންގެ ގޮތުގަ އެވެ.

ރަސްގެފާނުގެ މެހެމާނުންގެ ގޮތުގައި ހައްޖުގެ އަޅުކަމަށް ވަޑައިގެންނެވި ބޭފުޅުންނާ ވަލީއަހުދު ބައްދަލު ކުރެއްވުން 

ރަސްގެފާނުގެ މެހެމާނުންގެ ގޮތުގައި ހައްޖުގެ އަޅުކަމަށް ވަޑައިގެންނެވި ބޭފުޅުންނާއި ވެސް ވަލީއަހުދު މިއަދު ވަނީ ބައްދަލު ކުރައްވާފަ އެވެ.

ވަލީ އަހުދުގެ އެންމެ އަރިހުގައި ބެއިންދެވީ ރައީސް މުއިއްޒު އެވެ.

ރަސްގެފާނުގެ މެހެމާނުންގެ ގޮތުގައި ހައްޖުގެ އަޅުކަމަށް ވަޑައިގެންނެވި ބޭފުޅުންނާ ވަލީއަހުދު ބައްދަލު ކުރެއްވުން 

މި އަހަރު ހައްޖުގެ އަޅުކަމަށް ސައުދީން ވަނީ ވަރަށް ބޮޑަށް ތައްޔާރުވެ އިންތިޒާމުތައް ވަރަށް ފުރިހަމަ ކޮށްފަ އެވެ. މި އަހަރު ހައްޖުގެ އަޅުކަމަށް ދުނިޔޭގެ 172 ގައުމަކުން 1.6 މިލިއަން މީހުން ވަނީ ސައުދީއަށް ޖަމާވެފަ އެވެ.

ސަރުކާރުގެ ވަފުދުގެ އިތުރުން ރާއްޖެއިން 1000 މީހުން މި އަހަރު ހައްޖުގެ އަޅުކަމަށް ދިޔަ އެވެ. ސަރުކާރުން ވެސް ވަނީ ދިވެހި ހައްޖާޖީންގެ ފަސޭހައަށް ގިނަ އިންތިޒާމުތަކެއް ހަމަޖައްސާފަ އެވެ.