ދެކުނު ކޮރެއާގައި މިހާރު ކުރިއަށްދާ 21 އަހަރުން ދަށުގެ އޭޝިއާ ނެޓްބޯޅަ މުބާރާތުގައި ރާއްޖޭގެ ޒުވާން ޓީމު ކުޅުނު ތިންވަނަ މެޗު ވެސް ފަސޭހަކަމާއެކު ކާމިޔާބުކޮށްފިއެވެ. މުބާރާތް ބާއްވާ ގައުމު ކޮރެއާ އަތުން ދިވެހި ޓީމު މިއަދު މޮޅުވީ 129-03 ގެ ތަފާތުބޮޑު ނަތީޖާއަކުންމެވެ.

މިއަހަރުގެ މުބާރާތުގައި ޖުމްލަ 11 ޓީމަކުން ބައިވެރިވެފައިވާއިރު، މުބާރާތް ކުރިއަށްދަނީ ބައިވެރިވި އެގާރަ ޓީމު ދެ ގުރޫޕަކަށް ބަހާލައިގެންނެވެ. އެގޮތުން ރާއްޖެ ހިމެނުނީ، ދެކުނު ކޮރެއާ، ޖަޕާން، ޗައިނީސް ޓައިޕޭ އަދި ޕާކިސްތާނާ އެކު ގްރޫޕް ބީގަ އެވެ 

މިމުބާރާތުގައި ދިވެހި ޓީމު ފުރަތަމަ މެޗުގައި، ޗައިނީސް ޓައިޕޭއާ ވާދަކޮށް، 51-26 ގެ ނަތީޖާއަކުން މޮޅުވިއިރު، ދެވަނަ މެޗުގައި، އޭޝިއާގެ ވަރުގަދަ ގައުމެއް ކަމަށްވާ ޖަޕާނާ ދެކޮޅަށް ނުކުމެ ރާއްޖޭގެ ޓީމުން ކާމިޔާބު ހޯދީ، 59-32 ގެ ނަތީޖާއަކުންނެވެ. އަދި ތިންވަނަ މެޗުގައި، ސައުދީ އަރަބިއްޔާ، އަތުން މޮޅުވީ، 73-20 ނަތީޖާއަކުންނެވެ.

މިމުބާރާތުގައި ރާއްޖޭން ވާދަކުރަމުން އަންނަނީ، ތަޖުރިބާކާރު ކޯޗު، ނީޝާ ހަލީމްގެ އިތުރުން، ގައުމީ އަންހެން ޓީމުގައި ހިމެނޭ ކުޅުންތެރިންގެ މައްޗަށް އެކުލެވޭ ކޯޗިން ޓީމެއްގެ އިރުޝާދުގެ ދަށުންނެވެ. އަދި މިމުބާރާތުގައި ރާއްޖޭގެ ޒުވާން ޓީމުން އަންނަނީ ތަފާތު މޮޅު ކުޅުމެއް ދައްކަމުންނެވެ.