ނ. ފޮއްދޫ ބަނދަރު ތަރައްޤީ ކުރުމުގެ އަމަލީ މަސައްކަތް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމް.ޓީ.ސީ.ސީ) އިން ފަށައިފި އެވެ.

އެމް.ޓީ.ސީ.ސީ ބުނެފައިވާ ގޮތުގައި މިހާރު ދިއްދޫގައި ބޭނުންކުރަމުން އަންނަނީ ހަމައެކަނި ހުޅަނގު މޫސުމުގައި ބޭނުންކުރާ ޖެޓީ އެކެވެ. އެހެންނަމަވެސް އަލަށް ތަރައްގީ ކުރެވޭ މި ބަނދަރުގެ މަސައްކަތް ނިމުމާއިއެކު ލަފާ ފުރުމުގެ ދަތިތަކަށް ދާއިމީ ހައްލެއް ލިބިގެން ދާނެ ކަމަށް އެ ކުންފުނިން ބުނެ އެވެ.

އެމް.ޓީ.ސީ.ސީ އިން ބުނެފައިވާ ގޮތުގައި މި މަޝްރޫޢުގެ ދަށުން،  ކިއުބިކް މީޓަރުގެ ސަރަޙައްދެއްގެ އާ ހާބަރ ބޭސިން ފުންކުރުމާއި، 3,990 ކިއުބިކް މީޓަރުގެ ސަރަހައްދެއްގެ ނެރު ފުންކުރުމުގެ އިތުރުން 145 މީޓަރުގެ ބޭރު ތޮއްޓެއްލުން ހިމެނެ އެވެ.

އަދި މީގެއިތުރުން، 165 މީޓަރުގެ ރިވެޓްމެންޓް ޖެހުމާއި، 130 މީޓަރުގެ ސަރަހައްދެއްގައި އެއްގަމު ތޮށި ލުމާއި، 125 މީޓަރު ފުޅާ ޖެޓީއެއް ހެދުމާއި، 600 އަކަ މީޓަރުގެ ޕޭވްމަންޓް ހެދުމުގެ އިތުރުން ނެރު ބައްތި އާއި ބަނދަރު ބައްތި ހަރުކުރުމުގެ މަސައްކަތް ކުރުމަށް ވަނީ ހަމަޖެހިފައިވާކަމަށް އެމް.ޓީ.ސީ.ސީ އިން ވަނީ ބުނެފަ އެވެ.

އެމް.ޓީ.ސީ.ސީ އިން ބުނެފައިވާ ގޮތުގައި މި މަޝްރޫއުއަށް ގާތްގަނޑަކަށް 49.77 މިލިއަން ރުފިޔާ ހަރަދުވާނެ އެވެ.