28 ރަށެއްގެ ރަށު ކައުންސިލުގެ އިދާރާތަކުގެ ސެކްރެޓަރީ ޖެނަރަލްގެ މަގާމަށް މީހުން ހޯދަން އިއުލާނު ކޮށްފި އެވެ.

އެސްޖީންނަކީ ކައުންސިލުތަކުގެ އިދާރީ ހިންގުމުގެ އެންމެ އިސްވެރިޔާއެވެ. 

ސިވިލް ސާވިސް ކޮމިޝަން (ސީއެސްސީ) އިން ކުރި އިއުލާނުގައި ވާގޮތުން،  އެސްޖީއިން ހޯދަނީ، ދެ ދަރަޖައަކަށް ކަމަށެވެ. އެގޮތުން، އެއް ދަރަޖައަށް މުސާރައިގެ ގޮތުގައި މަހަކު 9300 ރުފިޔާ އަދި އެގްޒެކެޓިވް އެލަވަންސްގެ ގޮތުގައި މަހަކު 6800 ރުފިޔާ، ޖުމްލާ 16،100 ރުފިޔާ ލިބޭނެއެވެ.

ދެވަނަ ދަރަޖައަށް މުސާރައިގެ ގޮތުގައި މަހަކު 8835 ރުފިޔާ އަދި އެގްޒެކެޓިވް އެލަވަންސްގެ ގޮތުގައި މަހަކު 6450 ރުފިޔާ، ޖުމްލަ 15،285 ރުފިޔާ ލިބޭނެއެވެ.

މީގެ އިތުރުން، ސްޕެޝަލް ޑިއުޓީ އެލަވަންސްގެ ގޮތުގައި މުސާރައިގެ 35 ޕަސެންޓުވެސް ލިބޭނެ ކަމަށް ބުނެފައިވެއެވެ.

އެސްޖީން ހޯދާ ރަށްތައް

އެ މަގާމަށް އެދި ހުށަހަަޅަންޖެހޭ ހުރިހާ ލިޔެކިޔުންތައް ހުށަހަޅަން ޖެހެނީ މި މަހުގެ 21 ވާ ހޯމަ ދުވަހުގެ މެންދުރު 2:00 ގެ ކުރިން ސީއެސްސީއަށެވެ. ވަޒީފާ އަށް އެދޭ ފޯމާއި ލިޔުންތައް އީމެއިލް މެދުވެރިކޮށް ބަލައިގަންނާނެ އެވެ.

ސީއެސްސީން އިތުރަށް ބުނީ، އެ މަގާމަށް މީހަކު ހޮވުމަށް ބާއްވާ އިންޓަވިއު އަދި ޕްރެޒެންޓޭޝަން އޮންނާނީ މި މަހުގެ 22 އިން އޮގަސްޓް 21 އާ ދެމެދުގައި ކަމަށާ، އިންޓަވިއު އާއި ޕްރެޒެންޓޭޝަން ކުރިއަށް ގެންދާނީ ވީޑިއޯ ކޮންފަރެންސް މެދުވެރިކޮށް ކަމަށެވެ. 

އަދި އިންޓަވިއު ބާއްވާތާ ރަސްމީ ބަންދު ނޫން 3 ދުވަހާއި 15 ދުވަސް ތެރޭގައި އެ މަގާމަށް ކުރިމަތިލި މީހުންނަށް ޕޮއިންޓް ލިބުނު ގޮތް އާންމުކުރާނެ ކަމަށްވެސް ބުނެފައިވެއެވެ.