ބިދޭސީންގެ ނުފޫޒު ގަދަ ވިޔަފާރިތައް ބަލައި ފާސްކޮށް، 31 މީހަކު އިމިގްރޭޝަންގެ ބެލުމުގެ ދަށަށް
ބިދޭސީންގެ ނުފޫޒު ގަދަ ވިޔަފާރިތަކެއް ބަލައި ފާސްކޮށް، ގަވާއިދާ ޚިލާފު 31 މީހަކު އިމިގްރޭޝަންގެ ބެލުމުގެ ދަށަށް ގެނެސްފިއެވެ.
އިމިގްރޭޝަނުން އެކްސްގައި ކުރި ޕޯސްޓެއްގައި ބުނީ، މާލެ ސިޓީގެ ދިލްބަހާރު މަގުގައި ހިމެނޭ ބިދޭސީންގެ ނުފޫޒު ގަދަ ވިޔަފާރިތަކަށް އަމާޒުކޮށް އިއްޔެ ހަވީރު ހާއްސަ އޮޕަރޭޝަނެއް ހިންގާފައިވާ ކަމަށެވެ.
އަދި އެތަންތަނުން، ގަވާއިދާ ޚިލާފަށް އުޅެމުންދިޔަ 31 ބިދޭސީން އިމިގްރޭޝަންގެ ބެލުމުގެ ދަށަށް ގެނެސްފައިވާ ކަމަށެވެ.
ގަވާއިދާ ހިލާފަށް ރާއްޖޭގައި އުޅެމުންދާ ބިދޭސީންގެ މައްސަލައަށް ދާއިމީ ހައްލެއް ގެނައުމުގެ ގޮތުން މިހާތަނަށް 7،000 އަށް ވުރެ ގިނަ މީހުން މިހާތަނަށް ޑީޕޯޓްކޮށްލެވިފައިވާ ކަމަށް އިމިގްރޭޝަނުން ވަނީ ބުނެފައެވެ.
ގަވާއިދާ ހިލާފަށް ރާއްޖޭގައި އުޅޭ ބިދޭސީންގެ މައްސަލަ ހައްލުކުރުމުގެ ގޮތުން ސަރުކާރުން ވަނީ ރާއްޖޭގައި އުޅެމުންދާ ބިދޭސީންގެ އަދަދާއި އެ މީހުންގެ މައުލޫމާތު އެއްކުރުމުގެ ގޮތުން އެ މީހުންގެ ބަޔޯމެޓްރިކް ޑޭޓާ ނެގުންފަދަ މުހިއްމު މަސައްކަތްތަކެއް ކުރަން ފަށާފައެވެ.
މި ސަރުކާރުގެ އަމާޒަކީ، ގަވައިދާ ޚިލާފަށް އުޅޭ ބިދޭސީންގެ މައްސަލަ ދައުރުގެ ފުރަތަމަ ތިން އަހަރު ތެރޭގައި ހައްލުކުރުމެވެ.
Advertisement
This content is created and paid for by advertisers and does not involve Voice Journalists
