ތިނަދޫ ސިޓީގައި ހިނގި އެކްސިޑެންޓްގައި އަނިޔާވި އަންހެން މީހާ ނިޔާވެއްޖެ
ސައިކަލަކާއި ކާރެއް ޖެހި މިދިޔަ އެޕްރީލް މަހު ގެ 27 ވަނަ ދުވަހު ތިނަދޫ ސިޓީގައި ހިނގި ނުރައްކާތެރި އެކްސިޑެންޓްގައި އަނިޔާވި 31 އަހަރުގެ އަންހެން މީހާ މިއަދު ނިޔާވެއްޖެ އެވެ.
އެ އެކްސިޑެންޓުގައި ސީރިއަސް އަނިޔާތަކެއް ލިބިފައިވަނީ ސައިކަލު ދުއްވަންއިން 31 އަހަރުގެ އަންހެން މީހާއަށެވެ. ފުލުހުން ބުނެފައިވާ ގޮތުގައި އޭނާގެ ބޮލަށް ލިބުނު އަނިޔާގެ ސަބަބުން ތިނަދޫ ހޮސްޕިޓަލްގެ އައިސީޔޫގައި ފަރުވާ ދިނުމަށް ފަހު އެމަޖެންސީގައި އެދުވަހު މާލެ ގެނެސް ވަނީ ފަރުވާދީފައެވެ.
އޭނާގެ އޮޕަރޭޝަނެއް ކުރުމަށްފަހު ހާލު ރަނގަޅުވި ނަމަވެސް އޭގެފަހުން އިންފެކްޝަނެއް އުފެދުމުގެ ސަބަބުން އަނެއްކާ ވެސް ފަހުން ހާލު ސީރިއަސްވީއެވެ.
މި އަންހެން މީހާ ނިޔާވިއިރު ފަރުވާ ދެމުން އައީ ވެންޓިލޭޓަރުގަ އެވެ.
މި އެކްސިޑެންޓްގައި ހިމެނޭ ކާރު ދުއްވަން ހުރި މީހާ ފުލުހަށް ހާޒިރުކޮށް ތަޙްޤީޤުގައި ސުވާލުކޮށްފައިވާ ކަމަށާ ފުލުހުން މި މައްސަލަ އިތުރަށް ތަޙްޤީޤު ކުރަމުންދާ ކަމަށް އޭރު ބުނެފައިވެ އެވެ.
Advertisement
This content is created and paid for by advertisers and does not involve Voice Journalists
