ގދ.ގައްދޫން ފުރައިގެން އެ އަތޮޅު ގަމަށް ކުޑަ ޑިންގީއެއްގައި އެކަނި ދަތުރުކުރަމުން ދަނިކޮށް ގެއްލުނު ޒަކަރިއްޔާ މުޙައްމަދުގެ ހަށިގަނޑު ގަމަށް ލައްގާފައި އޮއްވާ ފެނިއްޖެއެވެ.
މަޢުލޫމާތު ލިބޭ ގޮތުގައި ޒަކަރިއްޔާ ފެނިފައިވަނީ ގދ. ގަމުގެ ދެކުނު ފަރާތު ހޭޅިފަށު އަކިރިގަނޑު މަތީގައި އޮއްވައެވެ. އެ ސަރަހައްދުގައި ފުލުހުން އަންނަނީ ހަރަކާތްތެތިވަމުންނެވެ.
ފުލުހުން ބުނީ ޒަކަރިއްޔާގެ ހަށިގަނޑު ފެނުފައިވަނީ މިއަދު ހެނދުނު 11:43 ކަންހާއިރު އެވެ.
ވޮއިސްއަށް މައުލޫމާތު ލިބިފައިވާ ގޮތުގައި ޒަކަރިއްޔާ ގައްދޫން ފުރާފައިވަނީ މިދިޔަ ބްރާސްފަތިދުވަހުގެ ހެނދުނު 9:30 ހާއިރުއެވެ.
އޭގެ ފަހުން އެންމެފަހުން ލިބުނީ އޭނާ 11:15 ގައި ގަމުން ފުރި ހަބަރެވެ. ނަމަވެސް އޭގެ ފަހުން ޒަކަރިއްޔާގެ ހަބަރެއް ނުވުމުން ހޯދުމުގެ މަސައްކަތް ފަށާފައިވަނީ އެދުވަހުގެ ހަވީރުއެވެ.
އެމްއެންޑީއެފުން ޒަކަރިއްޔާ ހޯދުމުގެ އޮޕަރޭޝަންގައި، ކަނޑުމަގުންނާއި ވައިގެމަގުން އެމްއެންޑީއެފް ސަދަން އޭރިއާ ކޮމާންޑް، ކޯސްޓްގާޑް ފޯތު ސްކޮޑްރަނުން ކުރިއަށްގެންދިޔަ މަސައްކަތުގައި ބޮޑު ސަރަހައްދެއް ބެލި އިރު، އެ ކުރި މަސައްކަތުން ޒަކަރިއްޔާ ދަތުރު ކުރި ޑިންގީ އަދި އޭގެ ނަގިލި ވަނީ ފެނިފައެވެ.
Advertisement
This content is created and paid for by advertisers and does not involve Voice Journalists
