ޒަކާތު ހައުސްއިން ބަލަހައްޓަމުންދާ ފަގީރުންގެ ދަފްތަރުގައި ރަޖިސްޓްރީ ކޮށްފައިވާ މީހުންނަށް އިސްލާމިކް ހެލްތް އިންސްއަރެންސް ހަމަޖައްސައިދޭނެ ބަޔަކު ހޯދަން އިއުލާނު ކޮށްފި އެވެ.
އިސްލާމިކް މިނިސްޓްރީން ބުނީ މި ބީލަން ހުޅުވާލާފައި ވަނީ، ވިޔަފާރި ރަޖިސްޓްރީ ކުރުމުގެ ގާނޫނު ގެ ދަށުން ވިޔަފާރި ރަޖިސްޓްރީ ކޮށްފައިވާ ކުންފުނިތަކުގެ ތެރެއިން އިންސްއަރެންސް ހިދުމަތް ދިނުމުގެ ލައިސަންސް ލިބިފައިވާ ކުންފުނިތަކަށް ކަމަށެވެ.
ވީމާ، މިކަމަށް ޝައުގުވެރިވާ ކުންފުނިތަކުން އަންދާސީ ހިސާބު ހުށަހެޅުމަށް ރަޖިސްޓްރީ ކޮށް، މައުލޫމާތު ސާފުކުރުމަށް ފަހު އަންދާސީ ހިސާބު ހުށަހެޅުމަށް ވަނީ އެދިފަ އެވެ.
މައުލޫމާތު ކަރުދާސް ބިޑަށް ރަޖިސްޓްރީ ކުރާ ހުރިހާ ކުންފުނިތަކަށް، މެއިލް މެދުވެރިކޮށް ފޮނުވޭނެ ކަމަށާ ބީލަމުގައި ބައިވެރިވުމަށް އެދޭ ކުންފުނިތަކުން ރަޖިސްޓްރީ ކުރުމަށް ވަނީ އެދިފަ އެވެ.
ޒަކާތު ފަންޑުގެ ފަގީރުންގެ ދަފްތަރުގައި ހިމެނޭ މީހުންގެ ތެރެއިން ކެންސަރު ފަދަ ދާއިމީ ބޮޑެތި ބަލިތައް ތަހައްމަލުކު ރަމުންދާ މީހުންގެ ބޭސް ފަރުވާއަށް، މި ފެށުނު ހިޖުރީ އައު އަހަރުން ފެށިގެން އިންޝުރެންސް ތައާރަފު ކުރަން ވެސް ވަނީ ނިންމާފަ އެވެ.
Advertisement
This content is created and paid for by advertisers and does not involve Voice Journalists
