މާލޭ މަގުމަތީގައު ކަނޑި ހިފައިގެން އުޅުނު މައްސަލައެއްގައި ދެ މީހަކު ހައްޔަރުކޮށްފިއެވެ.
މި މައްސަލާގައި ހައްޔަރުކޮށްފައި ވަނީ 33 އަހަރުގެ ގދ. ހޯނޑެއްދޫއަށް ނިސްބަތްވާ ފިރިހެނަކާއި، ސ. މީދޫއަށް ނިސްބަތްވާ 21 އަހަރުގެ ފިރިހެނެކެވެ.
އިއްޔެގެ ވަގުތެއްގައި މި ދެމީހުން ހައްޔަރުކުރީ އާންމުތަނެއްގައި ތޫނު ހަތިޔާރު ގެންގުޅުނު ކަމުގެ ތުހުމަތުގައެވެ.
އެމީހުންގެ ބަންދު އަމުރުގައިވާ ގޮތުން މި މީހުން އަތުން ކަނޑިއާއި ވަޅިއާއި އަދި ސާޖިކަލް ނައިފް އެއްވެސް ވަނީ ފެނިފައެވެ.
އަދި ފުލުހުން ފެނުމުން އެތަނުން 21 އަހަރުގެ ޒުވާނާ އަތުގައި އޮތް ސާޖިކަލް ނައިފް ބިންމައްޗަށް ވައްޓާލިކަމަށްވެސް ބަންދު އަމުރުގައިވެއެވެ.
މިދެމީހުންނަކީވެސް ބަންދު ލޮގް އޮތް ދެމީހުން ކަމަށާަ، އެމީހުން ތޫނު ހަތިޔާރު ހިފައިގެން މަގުމަތީގައި އުޅުނު ސަބަބު ސާފުކޮށްދެވިފައި ނުވާކަމަށް ބަންދު އަމުރުގައިވެއެވެ.
މި ދެ މީހުންގެ މައްޗަށް ތުހުމަތު ކުރެވޭ ކޮންމެވެސް މިންވަރެއްގެ ހެކި ހުރިކަމަށް އަމުރުގައިވާއިރު، ދެމީހުންގެ ބަންދަށް ކްރިމިނަލް ކޯޓުން ވަނީ 15 ދުވަސް ޖަހައިފައެވެ.
Advertisement
This content is created and paid for by advertisers and does not involve Voice Journalists
