ދުބާއީ ޕޮލިސް ސީ.އައި.ޑީ އަދި އެހެނިހެން އިދާރާތަކުގެ ނަމުގައި ސްކޭމަރުން ވީޑިއޯ ކޯލްތަކެއް ކުރަމުންދާކަން ފާހަގަކޮށް، އާއްމު ރައްޔިތުންނަށް މިކަމާ ގުޅޭގޮތުން ސަމާލުވުމަށް ފުލުހުންގެ އެންޓި ސްކޭމް ސެންޓަރުން އިލްތިމާސްކޮށްފިއެވެ.

ފުލުހުންގެ އެންޓި ސްކޭމް ސެންޓަރުން މީސްމީޑިއާގައި ކުރި ޕޯސްޓެއްގައި ބުނެފައިވާ ގޮތުގައި، މިފަދަ ސްކޭމަރުން ބޭނުންކުރާ ނަންބަރުތަކުގެ ތެރޭގައި +971 58 532 2946 ފަދަ ނަންބަރުތަކާއި [email protected] ފަދަ އީމެއިލްތައް ހިމެނެއެވެ.

މިފަދަ ނަންބަރުތަކުން ނުވަތަ އީމެއިލްތަކުން ގުޅައި، ދުބާއީ ޕޮލިހުން ކަމަށް ބުނެ، މީހުންގެ ޒާތީ މަޢުލޫމާތާއި އެކައުންޓްތަކުގެ މަޢުލޫމާތު ހޯދަން މަސައްކަތް ކުރަމުންދާކަން ފުލުހުން ހާމަކޮށްފައިވެއެވެ.

މިފަދަ ސްކޭމްތަކުން ރައްކާތެރިވުމަށްޓަކައި، ފުލުހުންގެ އެންޓި ސްކޭމް ސެންޓަރުން ވަނީ ތިރީގައިވާ ކަންކަމަށް ހާއްސަ ސަމާލުކަމެއް ދިނުމަށް އިރުޝާދު ދީފައެވެ:

- ދުބާއީ ޕޮލިހުން ވީޑިއޯ ކޯލްގައި އެއްވެސް ސެންސިޓިވް މަޢުލޫމާތެއް ނުވަތަ ފައިސާއެއް ނުހޯދާނެ

- އެއްވެސް ހާލެއްގައި އޯޓީޕީ، ޕާސްވޯޑް ނުވަތަ ބޭންކް މަޢުލޫމާތު ހިއްސާނުކުރުން

- ޝައްކުކުރެވޭ ކޯލެއް އަތުވެއްޖެނަމަ، ވަގުތުން ފޯން ކަނޑާލުން

ސްކޭމް ތަކުން ރައްކާތެރިވުމަށް އެންޓި ސްކޭމް ސެންޓަރުން ދީފައިވާ އިރުޝާދުތަކުގެ ތެރޭގައި ހިމެނެނީ؛

* އެއްވެސް މުޢާމަލާތެއް ކުރުމުގެ ކުރިން އެފަރާތެއްގެ ހަގީގަތް ކަށަވަރުކުރުން،

* އެއްވެސް ހާލެއްގައި އޯޓީޕޕީ ނުވަތަ ޕާސްވޯޑް ހިއްސާނުކުރުން، 

* ޝައްކުވާ ކަންންކަން ވަގުތުން ރިޕޯޓުކުރުން