ބޭންކް އޮފް މޯލްޑިވްސްއިން ދޫކުރާ އެމެކްސް ޕްލެޓިނަމް ކާޑުން ވިޔަފާރިކޮށްގެން ސިންގަޕޫރުގައި އޮންނަ ފޯމިއުލާ 1 ބަލާލުމުގެ ފުރުސަތު އެ ބޭންކުން ހުޅުވާލައިފިއެވެ.

މިކަމާ ގުޅޭގޮތުން ބީއެމްއެލުން ބުނެފައިވަނީ، މިހިނގާ ޖުލައިމަހުގެ ނިޔަލަށް ކާޑުން މުއާމަލާތް ކުރާ ކަސްޓަމަރުންގެ ތެރެއިން ގުރުއަތުން ހޮވޭ 2 ކަސްޓަމަރަކަށް، އިތުރު ދެ ބޭފުޅަކާއެކު ފޯމިއުލާ 1 ބަލާލުމުގެ ފުރުސަތު ލިބިގެންދާނެ އެވެ.

- އެމްކްސް ސްކައި ސޫޓް ޓިކެޓް

- އެފް1 ސިންގަޕޯ ގްރޭންޑް ޕްރިކްސް 2025 އަށް 3 ދުވަހުގެ އެކްސެސް އާއެކު އެމެކްސް ސްކައި ސޫޓް ފާސް

- ސިންގަޕޫރުގައި 3 ރޭ ހުރުން

- ޚާއްސަ އެފް1 ގިފްޓް މަރޗަންޑައިސް ޕެކް

ބީއެމްެލުން ބުނީ ޕީއޯއެސް މެދުވެރިކޮށް، އޮންލައިން އަދި އެ ބޭންކުގެ ޕޭމަންޓް ގޭޓްވޭ މެދުވެރިކޮށް ރާއްޖެއާއި ރާއްޖޭން ބޭރުގައި ޕްރޮމޯޝަން މުއްދަތުގެ ތެރޭގައި 3،000 ރުފިޔާއަށްވުރެ މަތިން ވިޔަފަރިކޮށްގެން މި ޕްރޮމޯޝަނުގައި ބައިވެރިވެވޭނެއެވެ. މި ޕްރޮމޯޝަން ކުރިއަށް ދާނީ މިމަހުގެ ނިޔަލަށެވެ

ބީއެމްއެލްއަކީ ރާއްޖޭގައި އެމެރިކަން އެކްސްޕްރެސް ކާޑު ދޫކޮށް، އެމެކްސް ކާޑުތަކުން ޕޭމަންޓް ބަލައިގަންނަ ހަމައެކަނި ބޭންކެވެ. ބީއެމްއެލުން ވަނީ ފުރަތަމަފަހަރަށް ރާއްޖެއަށް ކްރެޑިޓްކާޑު ތައާރަފްކޮށް ވަކިވަކި ފަރުދުންނާއި ވިޔަފާރިތަކަށް ދުނިޔޭގެ ފެންވަރުގެ މާލީ ހައްލުތަކަށް ވާސިލުވުމުގެ ފުރުސަތު ފަހިކޮށްދީފައެވެ.

ބީއެމްއެލުން ދަނީ އެމެކްސްގެ ހިދުމަތް ބަލައިގަތުން ތައާރަފުކޮށް އަވަސް ސްޕީޑެއްގައި ކުދި ފިހާރަތަކުން ފެށިގެން ދިވެހިރާއްޖެ ދުނިޔޭގެ މަންޒިލަކަށް ހަދާފައިވާ ރިސޯޓުތަކާ ހަމައަށް އެ ހިދުމަތް ފުޅާކުރަމުންނެވެ. މީގެ އިތުރުން ބީއެމްއެލުން ވަނީ އެމްކްސްއާ ގުޅިގެން "އެކްސްޕީރިއަންސް މޯލްޑިވްސް" ޑެސްޓިނޭޝަން މާކެޓިން ކެމްޕޭން ފަށާފައެވެ. މި ކެމްޕެއިނުގެ މައިގަނޑު މަގްސަދަކީ ފަތުރުވެރިކަމުގެ ސިނާއަތަށް އެހީތެރިވެދީ، ދުނިޔޭގެ އެންމެ މަގުބޫލު މަންޒިލަކަށް ރާއްޖެ ހެދުމަށް އެމެކްސްގެ ފުޅާ ނެޓްވޯކްގައި ރާއްޖެ މަޝްހޫރުކޮށްދިނުނުމެވެ.