ސްކޫލް ބަންދާ ދިމާކޮށް ޤައުމީ އެއަރލައިން މޯލްޑިވިއަނުން ރާއްޖޭގެ އިތުރުން އިންޑިއާއަށް ކުރާ ދަތުރުތައް އިތުރުކުރަން ނިންމައިފިއެވެ.
މޯލްޑިވިއަނުން ބުނީ ސްކޫލް ބަންދާ ދިމާކޮށް އެ އެއާލައިނުން 16 ރަށެއްގެ އިތުރުން އިންޑިޔާގެ 2 ސިޓީއަކަށް ކުރާ ދަތުރުތައް އިތުރުކުރުމަށް ނިންމާފައިވާކަމަށެވެ. މި ދަތުރުތައް ކުރުމަށް ހަމަޖެހިފައިވަނީ މި މަހުގެ 22 ވަނަ ދުވަހުން ފެށިގެން އަންނަ އޮގަސްޓް މަހުގެ 9 ވަނަ ދުވަހާއި ހަމައަށް ކަމަށް މޯލްޑިވިއަނުން ބުންޏެވެ.
މޯލްޑިވިއަނުން ބުނީ ބައެއް މަންޒިލްތަކަށް ކުރާ ދަތުރުތައް އިތުރުކުރަން ނިންމީ ސްކޫލް ބަންދާއި ދިމާކޮށް، ބޭސްފަރުވާގެ ބޭނުމަށާއި ޗުއްޓީ ހޭދަކުރުމަށް ރާއްޖޭގެ އެކި ސަރަހައްދުތަކަށް ދަތުރުކުރާ މީހުން އިތުރުވާނެތީ ޑިމާންޑާ އެއްވަރަށް ޚިދުމަތް ދިނުމަށްކަމަށެވެ.
ޤައުމީ އެއާލައިން މޯލްޑިވިއަނުން ވަނީ އެ އެއަރލައިންގެ ދަތުރުތަށް ބޭރުގެ އެކި ޤައުމުތަކަށް ފުޅާކުރުމުގެ ގޮތުން ފްލީޓަށް މިއަހަރުގެ ތެރޭގައިވަނީ ވައިޑް ބޮޑީ މަތިންދާ ބޯޓެއްވެސް ގެނެސްފައެވެ.
Advertisement
This content is created and paid for by advertisers and does not involve Voice Journalists
