ހައިވޭގައި ނުރައްކާތެރި އެކްސިޑެންޓެއް ހިނގައިފި
ބްރިޖް ހައިވޭގައި މިއަދު ހަވީރު ނުރައްކާތެރި އެކްސިޑެންޓެއް ހިނގައިފިއެވެ.
މި އެކްސިޑެންޓް ހިނގާފައިވަނީ ހުޅުމާލެއިން މާލެއަށް ދުއްވާ ލޭނުގައެވެ. މައުލޫމާތު ލިބިފައިވާ ގޮތުގައި މި އެކްސިދެންޓް ހިނގާފައިވަނީ ކާރަކާ ސައިކަލެއް ޖެހިގެންނެވެ. އެކްސިޑެންޓްގެ ވިޑިއޯތައް ސޯޝަލް މީޑިއާގައި ދައުރުވަމުންދާއިރު، ވީޑިއޯއިން ފެންނަގޮތުގައި އެކްސިޑެންޓްގައި އަންހެނެްގެ ބޮލަށް ވަނީ ވަރަށްބޮޑަށް އަނިޔާވެފައެވެ. އެކްސިޑެންޓްވި އަންހެން މީހާގެ ބޮލުގައި ފޮތިގަނޑެއްކަހަލަ އެއްޗެއް އަޅައިގެން މީހަކު ހިފަހައްޓައިގެން ހުންނަ މަންޒަރު ފެންނައިރު، ގިނަ އަދަދަކަށް ލޭތައް މަގުމައްޗަށް އެޅިފައިހުރި މަންޒަރުވެސް ވީޑިއޯއިން ފެނެއެވެ.
ވިޑިއޯއިން އފެންނަ ގޮތުގައި ސައިކަލަށްވެސް ވަނީ ގެއްލުންތައް ލިބިފައެވެ. އެކްސިޑެންޓްވިތާ އިރުކޮޅެއްގެ ތެރޭގައި އަންހެންމީހާ ވަނީ ހޮސްޕިޓަލަށް ގެންގޮސްފައެވެ.
މި ފަހަކަށް އައިސް މަގުމަތީގެ އެކްސިޑެންޓްތައް ގިނަވަމުން އަންނަކަން ފާހަގަކޮށްލެވެއެވެ. އެގޮތުން މިމަހުގެ 13 ވަނަ ދުވަހު މާލޭގައި ހިނގި ނުރައްކާތެރި އެކްސިޑެންޓްގައި ވަނީ އުމުރުން 17 އަހަރުގެ ޒުވާނަކު ނިޔާވެފައެވެ.
Advertisement
This content is created and paid for by advertisers and does not involve Voice Journalists
