އުރީދޫ މަސްރޭސް މި އަހަރު 2 ރަށެއްގައި ބޭއްވުމަށް ނިންމައިފި އެވެ.

ދިވެހީންގެ މެދުގައި ވަރަށް ބޮޑު މަގުބޫލު ކަމެއް އޮތް އުރީދޫ މަސްރޭސް މި އަހަރު އޮންނާނީ ކ. ހުރާ އާއި ށ. ފުނަދޫގައެވެ.

އުރީދޫ އިން ބުނީ 80,000 ވުރެ ގިނަ ރުފިޔާގެ އިނާމާއެކު އުރީދޫ މަސް ރޭހުގައި ބައިވެރިވުމުގެ ފުރުސަތު ހުޅުވާލާފައިވާ ކަމަށެވެ.

މިނިސްޓްރީ އޮފް ފިޝަރީޒް އެންޑް އޯޝަން ރިސޯސަސްއާ ގުޅިގެން ބާއްވާ އުރީދޫ މަސްރޭސް ހުރާގައި އޮންނާނީ އޮގަސްޓް 22 ގަ އެވެ. ފުނަދޫގައި އޮންނާނީ އޮގަސްޓް 29ގަ އެވެ.

މުބާރާތުގައި ރަޖިސްޓްރީވާން ހުޅުވާލާނީ މި މަހުގެ 17 ވަނަ ދުވަހުގެ އެވެ. ރަޖިސްޓްރޭޝަންގެ ފަހުގެ ވަގުތަކީ ޖުލައި 30 ވަނަ ދުވަހެވެ.

ކޮންމެ މަސް ރޭހެއްގައި ވެސް މުޅިއަކު 80,000+ރ ގެ ފައިސާގެ އިނާމު ހިމެނެއެވެ. މީގެ ތެރޭގައި ހިމެނެނީ;

ޗެމްޕިއަން ޓީމް: 25000 ރުފިޔާ

ދެވަނަ ޓީމް: 10000 ރުފިޔާ

ތިންވަނަ ޓީމް: 5000 ރުފޮޔާ

އަދި އެންމެ މޮޅު އަންހެން އަދި ފިރިހެން މަސްވެރިޔާއަށް ވެސް އިނާމު ދޭނެ އެވެ.

އުރީދޫ މަސްރޭހަކީ ހަމައެކަނި މުބާރާތަކަށް ވުރެ ބޮޑު ފެށުނީއްސުރެވެސް މަސްވެރިކަމުގެ އުފާވެރިކަމުގެ ތެރެއިން އެއްބައިވަންތަކަމުގެ ރޫހު އާލާކުރުވާ ހަރަކާތެކެވެ. އުރީދޫ މަސްރޭސް 2025 ގައި ކޮންމެ ސަރަހައްދަކުން ވެސް އެންމެ ގިނަވެގެން 16 ޓީމު ވާދަކުރާނެ އެވެ. 16 ޓީމަށް ވުރެ ގިނައިން ރެޖިސްޓާ ވެފައިވާ ނަމަ ބައިވެރިވާ ޓީމުތައް ހޮވުމަށް ޑްރޯއެއް ކުރިއަށް ގެންދިއުމަށް ވަނީ ހަމަޖެހިފަ އެވެ. އަދި ނުހޮވޭ ޓީމުތަކަށް ފުލް ރިފަންޑް ލިބޭނެ އެވެ. 

އުރީދޫ މަސްރޭސް 2025 ގައި ސަރުކާރުގެ މުއައްސަސާތަކާއި ކޯޕަރޭޓްތަކާއި އާންމުން ބައިވެރިވުމަށް އުރީދޫ މޯލްޑިވްސް އިން މަރުހަބާ ކިޔަ އެވެ.