ސްޓޫޑެންޓް ލޯނުގެ ގޮތުގައި މިހާތަނަށް ޖުމްލަ 982.7 މިލިއަން ރުފިޔާ ދޫކޮށްފައިވާކަމަށް މިނިސްޓްރީ އޮފް ހަޔާ އެޑިއުކޭޝަން، ލޭބަރ އެންޑް ސްކިލްސް ޑެވެލޮޕްމެންޓުން ހާމަކޮށްފިއެވެ.
ހަޔާ އެޑިއުކޭޝަނުން އެކްސްގައި އާއްމުކުރި ތަފާސްހިސާބުތަކަށް ބަލާއިރު، ދަރިވަރުންނަށް ދޫކޮށްފައިވާ ލޯނު ފައިސާގެ އަދަދު އެއްބިލިއަން ރުފިޔާއާ ކައިރިކުރާއިރު، މިއަހަރުއެކަނިވެސް ވަނީ 282 މިލިއަނަށްވުރެ ގިނަ ރުފިޔާ ދޫކޮށްފައެވެ.
ތަފާސްހިސާބުތަކަށް ބަލާއިރު، މިހާތަނަށް 1،151 ދަރިވަރުންނަށް ލޯނު ދޫކޮށްފައިވާ އިރު 863 ދަރިވަރުން ވަނީ ތަޢުލީމު ހާސިލް ކޮއްފައެވެ. 2025 ވަނަ އަހަރު މިހާތަނަށް 274 ދަރިވަރުންނަށް ލޯނު ދޫކޮށްފައިވާ އިރު 281 ދަރިވަރުން ވަނީ ތަޢުލީމު ހާސިލް ކޮށްފައެވެ. އަދި މިހާރު ތަޢުލީމުހާސިލް ކުރަމުންދާ ދަރިވަރުންގެ އަދަދަކީ 1642 އެވެ. އެއީ 664 ފިރެހެން ދަރިވަރުންނާއި 978 އަންހެން ދަރިވަރުންއެވެ.
2024 ވަނަ އަހަރު 1709 ދަރިވަރުން ވަނީ ސްޓުޑެންޓް ލޯންއަށް އެދިފަ އެވެ. ނަމަވެސް ކޮލިފައި ވެފައިވަނީ 1153 ދަރިވަރުންއެވެ.
މިނިސްޓްރީ އޮފް ހަޔަރ އެޑިއުކޭޝަން އަކީ ރާއްޖޭގެ ސްޓޫޑަންޓް ލޯނު ދޫކުރަން ފެއްޓި އެންމެ ފުރަތަމަ ތަނެވެ. ސްޓޫޑެންޓް ލޯނުގެ ބޭނުމަކީ އިތުރު ތަޢުލީމު ހާސިލް ކުރަން ބެނުންވާ ދަރިވަރުންނަށް ފަސޭހަ ގޮތެއްް ހަމަޖައްސައި ދިނުމެވެ. އަދި ދިވެހިރާއްޖޭގެ ތަޢުލީމީ ފެންވަރު ކުރިއަރުވާ ޤައުމު ތަރައްގީ ކުރުމުގެ ނިޔަތުގައި ކުރާ ކަމެކެވެ.
Advertisement
This content is created and paid for by advertisers and does not involve Voice Journalists
