ކެނދިކުޅުދޫގައި އާރްޓީއެލް ބަހުގެ ޚިދުމަތް ފަށައިފި
ރާއްޖެ ޓްރާންސްޕޯޓް ލިންކް (އާރުޓީއެލް) ބަހުގެ ޙިދުމަތް ނ. ކެނދިކުޅުދޫގައި މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ)ން މިއަދު ފަށައިފި އެވެ.
ރާއްޖެ ޓްރާންސްޕޯޓް ލިންކް (އާރުޓީއެލް) ބަހުގެ ޙިދުމަތް ކެނދިކުޅުދޫގައި އިފްތިތާހުކޮށްދެއްވާފައިވަނީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ނ. އަތޮޅަށް މިހާރުކުރައްވަމުން ގެންދަވާ ދަތުރުފުޅުގަ އެވެ. އެރަށުގައި ބަހުގެ ޚިދުމަތް ކުރިން ދެމުން އައީ ސްކޫލްގެ ފަރާތުންނެވެ.
ކެނދިކުޅުދޫއަށް އެމްޓީސީސީން ގެނެސްފައިވަނީ 30 މީހުންގެ ޖާގައިގެ ބަހަކާއި 72 މީހުންގެ ޖާގައިގެ ބަހެކެވެ.
އެމްޓީސީސީން ދަނީ ބިންބޮޑެތި ރަށްރަށުގައި ބަހުގެ ޚިދުމަތް ދިނުމުގެ މަސައްކަތްކުރަމުންނެވެ. އެގޮތުން މިހާރުވެސް މާލޭ ސަރަޙައްދުގެ އިތުރުން އެމްޓީސީސީން ދަނީ ހއ. ދިއްދޫ، ހދ. ކުޅުދުއްފުށި، ލ. އަތޮޅު، ޏ. ފުވައްމުލަކުގެ އިތުރުން އަދި އައްޑޫ ސިޓީގައި ބަހުގެ ޚިދުމަތް ދެމުންނެވެ.
އާރުޓީއެލް ބަހުގެ ޙިދުމަތް ކެނދިކުޅުދޫގައި ފެށުމުން އެރަށުގެ ރައްޔިތުންނަށް ގިނަ ފަސޭހަތަކެއް ލިބިގެންދާނެކަން ފާހަގަކޮށްލަންޖެހެ އެވެ.
Advertisement
This content is created and paid for by advertisers and does not involve Voice Journalists
