ގެއްލިގެން ހޯދަމުންދާ ގ.ގާރނެޓް، ޙަސަން ޔާމީން (30 އަހަރު) މި މަހުގެ 13 ވަަނަ ދުވަހުގެ ފަތިހު ބްރިޖުން މޫދަށް ފުންމާލާ މަންޒަރު ސީސީޓީވީ ފްޖޭޓުން ފެންނަ ކަމަށް ފުލުހުން ބުނެފި އެވެ.
ފުލުހުން އެކަން ހާމަކުރީ މިއަދު އާންމު ކުރި ބަޔާނެއްގަ އެވެ. އެ ބަޔާނުގައި ބުނީ ޔާމީން ހޯދުމަށް ގިނަ އަދަދެއްގެ ސީސީޓީވީ ފްޓޭޖް ދިރާސާ ކޮށްފައިވާ ކަމަށެވެ. އެގޮތުން ޖުލައި 13 ވަނަ ދުވަހުގެ ފަތިހު 3:24 ގައި ޔާމީން ސިނަމާލެ ބްރިޖުން މޫދަށް ފުންމާލާ މަންޒަރު ސީސީޓީވީ ފްޓޭޖުން ފެނިފައިވާ ކަމަށެވެ.
މި މައުލޫމާތު އާއިލާއާ ހިއްސާކޮށް އާއިލާއާ ވަރަށް ގާތުން ތަހުގީގު ޓީމުން މަސައްކަތް ކުރަމުންދާ ކަމަށް ވެސް ބުންޏެވެ. އަދި ބުނީ މެރީން ޕޮލިހާއި ކޯސްޓްގާޑް ގުޅިގެން ޔާމީން ހޯދުމުގެ މަސައްކަތް ކުރަމުންދާ ކަމަށް ފުލުހުން ވަނީ ބުނެފަ އެވެ.
ޔާމީން ގެއްލުނު މައްސަލައާ ގުޅިގެން ސައްހަކަން ކަށަވަރު ނުވާ ވާހަކަތައް ނުފެތުރުމަށްވެސް ފުލުހުން ވަނީ އިލްތިމާސް ކޮށްފަ އެވެ. ޔާމީން ގެއްލިގެން މިވީ 11 ދުވަހެވެ. ޔާމީންގެ ހަބަރެއް ނުވެގެން އާއިލާއިން ފުލުހަށް ރިޕޯޓް ކުރީ ގެއްލުނުތާ ދެތީން ދުވަސް ފަހުންނެވެ.
Advertisement
This content is created and paid for by advertisers and does not involve Voice Journalists
