ހުޅުމާލޭ ހޮސްޕިޓަލްގެ އައު ޑައިލަސަސިސް ސެންޓަރެއް މިއަދު ހުޅުވައިފި އެވެ.
އޮރެންޖް ހިޔާގައި ގާއިމުކޮށްފައިވާ މި ޑައިލަސިސް ސެންޓަރަކީ 30 އެނދުގެ ސެންޓަރެކެވެ. މާލޭ ސިޓީ ގްރޫޕް އޮފް ހޮސްޕިޓަލްސްގެ ދަށުން ހިންގާ މި ސެންޓަރަކީ ގުރުދާގެ ބަލިތަަކަށް ފަރުވާ ހޯދަމުންދާ މީހުންނަށް ލިބޭނެ ބޮޑު ހިތްހަމަޖެހުމެވެ.
ހުޅުމާލެ ހޮސްޕިޓަލްގައި ޑައިލަސިސްގެ ހިދުމަތް ފެށީ 2012 ވަނަ އަހަރު އެވެ. އޭރު އެ ހިދުމަތް ފެށީ އެންމެ ހަތަރު ޑައިލަސިސް މެޝިނާއެކު އެވެ. އޭގެ ފަހުން 2020 ވަނަ އަހަރު އިތުރު މެޝިންތަކާ އެކު ހިދުމަތް ފުޅާކުރި އެވެ. އެ އަހަރު ވަނީ މެޝިންތަކުގެ އަދަދު 10 އަށް އިތުރުކޮށްފަ އެވެ.
އިތުރު 30 އެނދާއެކު އޮރެންޖް ހިޔާގައި މި ހިދުމަތް ފެށުމުން ބަލި މީހުންނަށް ބޮޑު ފަސޭހައެއް ލިބޭނެ އެވެ. މި ސެންޓަރު ތަަރައްގީ ކުރުމުގެ މަސައްކަތް ފެށީ މިދިޔަ އަހަރު އެވެ.
ހުޅުމާލޭ ހޮސްޕިޓަލްގެ އައު ޑައިލަސަސިސް ސެންޓަރެއް ހުޅުވައި ދެއްވީ ރައީސުލްޖުމްހޫރިއްޔާ ޑރ. މުހައްމަދު މުއިއްޒު އެވެ.
Advertisement
This content is created and paid for by advertisers and does not involve Voice Journalists
