މާލޭގެ ގިނަ ސަރަހައްދުތަކަށް މިހާރު ކަރަންޓް ލިބޭނެ: ސްޓެލްކޯ
މާލޭގެ ގިނަ ސަރަހައްދުތަކަށް މިހާރު ކަރަންޓްގެ ހިދުމަތް ލިބޭނޭކަމަށް ސްޓެލްކޯއިން ބުނެފިއެވެ.
ހެނދުނު މުޅި މާލެ އަދި ހުޅުމާލެއިން ކަރަންޓްގެ ހިދުމަތް މެދުކެނޑިފައިވާއިރު، ސްޓެލްކޯއިން ބުނީ މާލޭގެ ގިނަ ސަރަހައްދުތަކަށް މިހާރު ކަރަންޓް ލިބޭނޭކަމަށެވެ. މާ ގިނަ އިރެއް ނުނަގައި މާލޭގެ ހުރިހާ ހިސާބަކަށް އަލުން ކަރަންޓް ދެވޭނޭކަމަށްވެސް ސްޓެލްކޯއިން ވަނީ ބުނެފައެވެ.
މުޅި މާލެ އަދި ހުޅުމާލެ ހިމެނޭހެން ކަރަންޓްގެ ހިދުމަތް މެދުކެނޑިފައިވަނީ މިއަދު ހެނދުނު 09:30 ހާއިރުއެވެ. ސްޓެލްކޯއިން ބުނީ ކަރަންޓްގެ ހިދުމަތް މެދުކެނޑުފައިވަނީ ދިމާވި ޓެކްނިކަލް މައްސަލައެއްގެ ސަބަބުން ކަމަށެވެ. މިއީ ހުޅުމާލެ ހިމެނޭހެން މުޅި މާލެއިން ކަރަންޓް ކެނޑުނު ދެވަނަ ފަހަރެވެ.
މިދިޔަ ޖޫންމަހުގެ އެއްވަނަ ދުވަހުވެސް ހުޅުމާލެ އަދި މާލެއިން ކަރަންޓްގެ ހިދުމަތް މެދުކެނޑުނުއިރު، އަލުން ކަރަންޓްދީ ނިމުނީ އެދުވަހުގެ ފަހެއް ޖެހިފަހުންނެވެ.
Advertisement
This content is created and paid for by advertisers and does not involve Voice Journalists
