ތެލަސީމިއާ ސެންޓަރުން ލޭ އެޅުމުގެ ކަންކަން މެދުކެނޑިފައެއްނުވޭ: ހަލީމް
މިއަދު ހެނދުނު ކަރަންޓްގެ ހިދުމަތް މެދުކެނޑުނުނަމަވެސް ތެލަސީމިއާ ސެންޓަރުން ލޭ އެޅުމުގެ ހިދުމަތްތައް މެދުކަނޑާލާފައި ނުވާަކަމަށް މާލޭ ގްރޫޕް އޮފް ހޮސްޕިޓަލުގެ ސީއީއޯ އިބްރާހިމް ޢަބްދުއްރައްޒާގް ވިދާޅުވެއްޖެއެވެ.
މިއަދު ހެނދުނު މުޅި މާލެ ހިމެނޭހެން ހުޅުމާލެއިން ވަނީ ކަރަންޓްގެ ހިދުމަތް މެދުކަނޑިފައެވެ. ކަރަންޓް ދިއުމަށްފަހު އެއްކޮށް ލިބިފައިވަނީ 2 ގަޑިއިރަށްފަހުއެވެ. ކަރަންޓް ދިއުމާއެކު ތެލަސީމިއާ ސެންޓަރުގެ ހިދުމަތްތައް މެދުކަނޑިފައިވާކަމުގެ ވާހަކަތަކެއް ސޯޝަލް މީޑިއާގައި ވަނީ ފެތުރިފައެވެ.
މިކަމާ ގުޅިގެން އެކްސްގައި ކުރެއްވި ޕޯސްޓެއްގައި ހަލީމް ވިދާޅުވީ، ކަރަންޓް ކެނޑުމުން ވަގުތުން ބެކްއަޕް ކަރަންޓް ފޯރުކޮށްދެވުނު ކަމަށާއި ލޭއެޅުން މެދުކަނޑާލާފައި ނުވާކަމަށެވެ. ތެލަސީމިއާ ސެންޓަރުގައި މިހާރުވެސް ސްޓެލްކޯ ކަރަންޓް ހުރިކަން ފާހަގަކުރައްވަމުން ހަލީމް ވިދާޅުވީ، ކަރަންޓް ކެނޑުނު ވަގުތު ކްރޮސްމެޗް ހެދުން 5 ވަރަކަށް މިނިޓު މަޑުކޮށްލަންޖެހުނުކަމަށެވެ.
ރައްކާކޮށްފައިހުރި ލެއަށް ރަނގަޅަށް ހުރިކަން ފާހަގަކުރައްވަމުން ހަލީމް ވަނީ، ރައްޔިތުންގެ ހިތުގައި ނުތަނަވަސްކަން އުފެދޭގޮތަށް ތެދުނޫން މަޢުލޫމާތު ފެތުރުން ހުއްޓާލެއްވުމަށް އިލްތިމާސްކުރައްވާފައެވެ.
Advertisement
This content is created and paid for by advertisers and does not involve Voice Journalists
