އުމްރާވެރިން ގޮވައިގެން ޖިއްދާ އެއާޕޯޓުން ފުރުން ލަސްވި މޯލްޑިވިއަންގެ ފްލައިޓް ރާއްޖެ އައުމަށް ފުރައިފިއެވެ.
އުމްރާވެރިން ގޮވައިގެން މިއަދު ރާއްޖެ އައުމަށް ޝެޑިއުލްކުރި މޯލްޑިވިއަންގެ ފްލައިޓަށް މައްސަލައެއް ޖެހި ފުރުން ލަސްވި މައްސަލާގައި ހައްޖު ކޯޕަރޭޝަނުގެ މެނޭޖިންގ ޑިރެކްޓަރު ހަމްދާން ޝަކީލް ވިދާޅުވީ ޓެކްނިކަލް މައްސަލަ ޖެހުނު ފްލައިޓް މައްސަލަ ހައްލުކޮށް ފުރާފައިވާކަމަށެވެ. މިގޮތުން ފްލައިޓް ފުރާފައިވަނީ ސައުދީގަޑިން 18:30 ގައި ކަމަށް ޝަކީލް ވިދާޅުވިއެވެ.
ޝަކީލް ވިދާޅުވީ ޖުމްލަ ގޮތެއްގައި ހުރިހާ އުމްރާވެރިންގެ ހާލު ރަނގަޅުކަމަށެވެ.
ވޮއިސްއަށް މައުލޫމާތު ލިބިފައިވާ ގޮތުގައި ބޯޓަށް ޖެހުނު މައްސަލައާ ގުޅިގެން އުމްރާވެރިން ބޯޓުތެރޭގައި ގިނައިރުވަންދެން ތިއްބެވެ. މޯލްޑިވިއަންގެ ބޯޓަށް ޖެހުނު މައްސަލައާ ގުޅޭގޮތުްނ މޯލްޑިވިއަނުން އެއްވެސް އެއްޗެކޭ ބުނެފައެއް ނުވެއެވެ. މައްސަލަ ޖެހިގެން ފުރުން ލަސްވީ މޯލްޑިވިއަންގެ ފްލައިޓް ކިއު2-6360 ބޯޓެވެ.
Advertisement
This content is created and paid for by advertisers and does not involve Voice Journalists
