އުރީދޫ މޯލްޑިވްސް އިން އެޕަލް ވޮޗާއި ސެމްސަންގް ގެލެކްސީ ވޮޗަށް އީސިމް ހިދުމަތް ތައާރަފުކޮށްފި އެވެ.
އެ ކުންފުނިން މި ފެށި ހިދުމަތާއެކު ފޯނާއި ނުލާ ރައްކާތެރިކަމާއެކު ކޮންމެ ތަނެއްގައި ހުރެގެން ވެސް ސީދާ ގަޑިން ފޯނުކޮށް މެސެޖު ކުރެވޭ ގޮތަށް ވަނީ މަގުފަހި ވެފަ އެވެ.
އަތުކުރީގައި އޮންނަ ގަޑިއާއެކު ހެނދުނު ދުވަން ނުކުތް ނަމަވެސް، ނުވަތަ މަސައްކަތުގެ ބުރަ ވަގުތެއް ވިޔަސް، މިހާރު ކޯލްކޮށް، ރިސީވްކޮށް، މެސެޖް ފޮނުވުމާއި، މިއުޒިކް ސްޓްރީމްކޮށް، އެޕްލިކޭޝަންތައް ބޭނުން ކުރެވޭނެ އެވެ. މުޅިން މިނިވަން ކަމާއެކު އެވެ. އުރީދޫ ނެޓްވޯކާ ކޮންމެ ވަގުތަކު، ކޮންމެ ތަނެއްގައި ވެސް ގުޅިފައިވާކަން ޔަގީންކޮށްދެ އެވެ.
ސްމާޓްވޮޗަށް އީސިމް އެކްޓިވޭޓް ކުރުމަކީ އަވަސް އަދި ފަސޭހަ ކަމެކެވެ. ފިޒިކަލް ސިމް ކާޑެއް ނުވަތަ އެއްވެސް އިތުރު އެޕްލިކޭޝަނެއް މި ކަމަކަށް ބޭނުމެއް ނުވެ އެވެ. އެޕަލް ވޮޗް ނުވަތަ ސެމްސަންގް ގެލެކްސީ ވޮޗް ފޯނާ ގުޅާލައި، ސްކްރީނުގައި ވާ އިރުޝާދުތަކާ އެއްގޮތަށް އަމަލުކޮށް، އީސިމް ގަޑިއަށް އެކްޓިވޭޓް ކޮށްލެވޭނެ އެވެ. މި ހިދުމަތަކީ ހަމައެކަނި އުރީދޫ ނެޓްވޯކްގައި ފޯރުކޮށްދޭ ހިދުމަތެކެވެ.
އެ ކުންފުނިން ވަނީ އުރީދޫގެ ސްމާޓްވޮޗް އީސިމްއާއެކު ދިރިއުޅުމުގެ ވައްޓަފާޅި އިތުރަށް ފަސޭހަވެ، ކޮންމެ ވަގުތަކު ވެސް އަދި ކޮންމެ ތަނެއްގައި ވެސް ގުޅުމުގެ މިނިވަންކަން ތަޖުރިބާ ކުރުމަށް ކަސްޓަމަރުންނަށް ދައުވަތު ދީފަ އެވެ.
Advertisement
This content is created and paid for by advertisers and does not involve Voice Journalists
