ކުޑަހުވަދޫގެ އެންޖީއޯއެއް ކަމަށްވާ "ޕްރޮޖެކްޓް އަށްކަން" ގެ ފަރާތުން އެރަށް ކައިރީ އޮންނަ ފަޅުރަށެއް ކަމަށްވާ ވައްލަ ސާފްކުރުމުގެ މަސައްކަތް މިއަދު ފަށައިފިއެވެ.
ޕްރޮޖެކްޓް އަށްކަންގެ ފަރާތުން ވައްލަ ސާފްކުރުމުގެ މަސައްކަތް ފަށާފައިވަނީ، މިއަދު ހެނދުނުން ފެށިގެންނެވެ. ވައްލަ ސާފްކުރުމުގެ މަސައްކަތް ފެށުމަށް ޕްރޮޖެކްޓް އަށްކަންގެ ފަރާތުން ނިންމީ އެރަށުގައި ކުނިބުނި ގިނަވުމުގެ ސަބަބުން އެކަމުން އެރަށުގެ ވެށި ރައްކާތެރިކުރުމަށެވެ.
ވައްލަ ސާފްކުރުމުގެ މަސައްކަތަށް ހުޅުވާލުމުން ގިނަ އަދަދެއްގެ ފަރާތްތަކެއްގެ ތަރުހީބު ލިބިގެންދިޔައިރު، ޕްރޮޖެކްޓް އަށްކަންގެ ފަރާތުން ވަނީ މިދިޔަ ޖުލައިމަހުވެސް އެރަށް ސާފްކުރުމުގެ މަސައްކަތް ކުރިއަށްގެންދަން އުޅެފައެވެ. ނަމަވެސް މޫސުން ތަންނުދިނުމުގެ ސަބަބުން އެކަން ފަސްކުރަން ޖެހުނީކަމަށް އެ އެންޖީއޯއިން ބުނެއެވެ.ވަ
ވައްލަ ސާފްކުރުމުގެ ހަރަކާތް ފެށުމަށް ތައްޔާރުވުމުގެ ތެރެއިން..
ވައްލަ ސާފްކުރުމުގެ މަސައްކަތުގައި މިއަދު ކުޑަހުވަދޫ ރައްޔިތުންގެ އިތުރުން އެރަށުގައި ހުންނަ ފުލުހުންގެ ޔުނިޓުންނާއި، އެމްއެންޑީއެފްގެ އިތުރުން ސަރުކާރުގެ މުއައްސަސާތަކާއި ކައިރީ ރިސޯޓްތަކުން ބައިވެރިވިއެވެ.
ވައްލައަކީ ކުދަހުވަދޫ ކައިރީ އޮންނަ ކުޑަ ރަށެކެވެ. އެރަށަކީ ހިތްފަސޭހަ ރަށެއްކަމުން ކުޑަހުވަދޫ މީހުން އާއްމު ގޮތެއްގައި ދަތުރުދިއުންފަދަ ކަންކަމަށް އާއްމު ގޮތެއްގައި އެރަށް ބޭނުންކޮށް އުޅެއެވެ. ކުޑަހުވަދޫ ކައުންސިލުން ވަނީ އެރަށް ކުޑަހުވަދޫގެ އިހްތިސާސް ތެރޭގައި ހިމެނުމަށްއެދި ސަރުކާރަށްވެސް ދަންނަވާފައެވެ.
Advertisement
This content is created and paid for by advertisers and does not involve Voice Journalists
