މައުމޫން ފައުންޑޭޝަނުން ގައުމީ ޅެން ހެދުމުގެ މުބާރާތެއް ބާއްވަން ނިންމާ ބައިވެރިވުމަށް ހުޅުވާލައިފި އެވެ.
ކުރީގެ ރައީސް މައުމޫން އަބްދުލްގައްޔޫމް އުފައްދާފައިވާފައިވާ މައުމޫން ފައުންޑޭޝަނުން ބުނީ ގައުމީ ދުވަހާއި ގުޅިގެން، ދިވެހި ގައުމިއްޔަތާއި، ދިވެހިންގެ މިނިވަންކަމާއި، ދިވެހިންގެ އެއްބައިވަންތަކަން މި މައުލޫތައް ރަމްޒުކޮށްދޭ ޅެން ހެދުމުގެ މުބާރާތެއް ބޭއްވުމަށް ހަމަޖެހިފައިވާ ކަމަށެވެ.
މިމުބާރާތަކީ ހުރިހާ ދިވެހިންނަށް ހުޅުވާލެވިފައިވާ މުބާރާތެއް ކަމަށް ވެސް ބުންޏެވެ.
މިމުބާރާތުގައި 1 ވަނަ އަށް އަންނަ މީހަކަށް 5000.00 ރުފިޔާ، 2 ވަނަ އަށް އަންނަ މީހަކަށް 3500.00 ރުފިޔާ، އަދި 3 ވަނަ އަށް އަންނަ މީހަކަށް 2000.00 ރުފިޔާގެ ފައިސާގެ އިނާމެއް ވަނީ ހުށައަޅާފަ އެވެ. އަދި އެންމެ މޮޅު 5 ޅެމަށް ހަނދާނީ ލިޔުން ދޭނެ ކަމަށް ވެސް ބުންޏެވެ.
މި މުބާރާތުގައި ބައިވެރިވާން އެެދޭ މީހުން ޅެން ހެދުމަށް ފަހު، 27 އޮގަސްޓު ވާ ބުދަ ދުވަހުގެ މެންދުރުފަހު 2:00 ގެ ކުރިން [email protected] މި އީމެއިލް އެޑްރެހަށް ފޮނުއްވުން އެ ފައުންޑޭޝަނުން ވަނީ އެދިފަ އެވެ.
މިމުބާރާތުގެ ގަވާއިދު އެ ފައުންޑޭޝަންގެ ފޭސްބުކް އަދި އެކްސް ޕޭޖުން ލިބެން ހުންނާނެ ކަމަށް ވެސް ބުންޏެވެ.
Advertisement
This content is created and paid for by advertisers and does not involve Voice Journalists
