ރައްޔިތުންގެ މަޖިލީހުގެ ޖަލްސާއެއް އަންނަ ބުދަ ދުވަހު ބޭއްވުމަށް ނިންމައިިފި އެވެ.
މަޖިލީސް މިހާރު އޮތީ ޗުއްޓީގައެވެ. ނަމަވެސްް ދައުރުން ބޭރުން ޖަލްސާއެއް ބާއްވަނީ ކޮންމެހެން ނިންމަން ޖެހޭ މުހިންމު މަސައްކަތެއް އޮތުމުންނެވެ.
ދައުރުން ބޭރުން ޖަލްސާއެއް ބޭއްވޭނީ އެކަމަށް އެދި ކަނޑައެޅޭ ވަކި އަދަދަކަށް މެންބަރުން ސޮއިކޮށް ހުށައެޅުމުންނެވެ. މަޖިލީހުގެ އިދާރާ އިން ބުނީ އެ އަދަދަށް މެންބަރުން ސޮއިކޮށް ޖަލްސާއެއް ބާއްވަން ހުށައަޅާފައިވާތީ އަންނަ ބުދަ ދުވަހު ޖަލްސާއެއް ބާއްވަން ނިންމާފައިވާ ކަމަށެވެ.
ޖަލްސާގައި ކުރާނެ މަސައްކަތެއް ނުބުނެ އެވެ. ބުނީ އެޖެންޑާ ފަަހުން އިއުލާނު ކުރާނެ ކަަމަށެވެ.
ހިއުމަން ރައިޓްސް ކޮމިޝަން (އެޗްއާރްސީއެމް) އަށް މެންބަރަކު އައްޔަން ކުރުމުގެ މަސައްކަތް އޮތީ ނިންމަން ޖެހިފަ އެވެ. ބެލެވެނީ އެ ދުވަހުގެ ޖަލްސާ ބާއްވަނީ ކޮމިޝަނަށް މެންބަރަކު އައްޔަނު ކުރަން ކަމަށެވެ. އެ ކޮމިޝަނަށް މެންބަރަކު އައްޔަނު ކުުރުމަށް ތިން ބޭފުޅެއްގެ ނަން ވަނީ ފޮނުވާފަ އެވެ. ކޮމެޓީން ވަނީ އެ ބޭފުޅުންގެ ނަންތައް ފާސްކޮށްފަ އެވެ.
Advertisement
This content is created and paid for by advertisers and does not involve Voice Journalists
