ޓިކްޓޮކްގައި ކުއްޖަކު "ވިއްކަން" އިއުލާނުކޮށް އެ ކުއްޖާއާ ގުޅޭގޮތުން ހުތުރު ވާހަކަތަކެއް ދެއްކި މައްސަލައެއް ބަަލަން ފަށައިފި އެވެ.
އެ މައްސަލަ ފުލުހަށް ހުށައަޅާފައިވަނީ ކުއްޖާގެ މަންމަ އެވެ. ޓިކްޓޮކްގައި ހޯސްޓެއްގެ ގޮތުގައި ލައިވްވާ ދިވެހި ފިރިހެނަކު ވަނީ އުމުރުން 13 އަހަރުގެ އަންހެން ކުއްޖެއްގެ ފޮޓޯ ދައްކައި އެ ކުއްޖާ ވިއްކާ ކަމަށް ބުނެ ވާހަކަތަކެއް ދައްކާފަ އެވެ. އަދި އެ ކުއްޖާއަށް ޖިންސީ ގޯނާކުރަން ހިތްވަރުދީ ހުތުރު ވާހަކަތަކެއް ދައްކާފަ އެވެ.
ފުލުހުން މިއަދު ބުނީ ޓިކްޓޮކް ލައިވް އެއްގައި 13 އަހަރުގެ އަންހެން ކުއްޖެއްގެ ފޮޓޯ ދަައްކައި އެ ކުއްޖާއާ ގުޅޭގޮތުން ހަޑިހުތުރު ވާހަކަތަކެއް ދައްކައި އަދި އެ ކުއްޖާގެ ކަރާމާތަށް އުނިކަން އަންނާނެ ފަދަ ވާހަކަތަކެއް ދައްކާފައިވާ މައްސަލައެއް އޮގަސްޓް 23 ވަނަ ދުވަހު ފުލުހަށް ހުށައަޅާފައިވާ ކަމަށެވެ.
މި މައްސަލައާ ގުޅިގެން ތުހުމަތު ކުރެވޭ މީހާ ފުލުހުންގެ ބެލުމުގެ ދަށަށް ގެނައުމަށް ފަހު ވަނީ ދޫކޮށްލާފަ އެވެ.
އަދި ބުނީ މައްސަލައިގެ ތަހުގީގަށް ތުހުމަތު ކުރެވޭ މީހާގެ މޮބައިލް ފޯން ފުލުހުންގެ ބެލުމުގެ ދަށަށް ގެނެސް މައްސަލަ ތަހުގީގު ކުރަމުންދާ ކަމަށެވެ.
ޓިކްޓޮކްގައި ދިވެހިންގެ ބަޔަކު ދަނީ ވަރަށް ވިޔާނުދާ އަމަލުތައް ހިންގަމުންނެވެ. ވިޔާނުދާ ފާހިޝް ވާހަކަތައް ފެތުރުމާއި ހުތުރުބަހުން ޒުވާބު ކުރުމާއި ނިވާކަން ކުޑަ ހެދުން އަޅައިގެން އުޅުމާއި ފިރިހެނުން އަންހެން ހެދުން އަޅައިގެން ލައިވް ވުން ފަދަ ކަންކަން ދަނީ ކުރަމުންނެވެ.
Advertisement
This content is created and paid for by advertisers and does not involve Voice Journalists
